→ كل الوصفات
طريقة ماما
المقادير
- 1 كوب ارز مصرى
- 1 1/4 كوب حليب دافى
- 1 بصله متوسطه متقطعه شرائح
- مكعبات لحمه متقطعه
- 2 ملعقة ك زبده بحرارة الغرفة للارز
- 1 ملعقة ك زبده لتشويح اللحمة
- 1/4 كوب قشطه
- 2 ملعقه ك زيت
- 1 ملعقه ص ملح
طريقة التحضير
- تبلت اللحمه بفلفل اسود، نزلتها فى طاسة سخنه مع ملعقه ك زبدة لحد ما اخدت لون بنى، ضيفت عليها بصل بعد ما دبل، نزلت عليه ماء مغلى يغطى كل اللحمه -ورقه لورا -حبهان -قرنفل، سيبتها تتسلق و بعدين ملحتها
- شغلت الفرن ودخلت الطاجن فاضى علشان يسخن لمده تقريبا 20 دقيقه، جبت طبق عميق نزلت فيه ارز مغسول-ملح -زبدة، قلبتهم كويس مع بعض
- دهنت الطاجن السخن بالزبده، نزلت نصف كميه الارز، ضيفت عليه اللحمه، ثم باقى كميه الارز، وزعت على الوجه قشطه، و ملعقه ص زبده، ضيفت الحليب و قلبت الارز فى الطاجن علشان الحليب يوصل لكل الارز، دخلت الطاجن الفرن تحت الشواية الاول لحد ما ياخد لون وقفلت و شغلت من تحت حراره 220 لمده تقريبا من 30 لـ 45 دقيقة. بعد مرور 30 دقيقة بننزل ملعقة مقلوبة في اطراف الطاجن و نرفع لفوق كئننا بنفصل الارز من تحت من الطاجن و نسيبة يكمل باقى المدة على حرارة منخفضة 160 واذا كان لسه مش مستوى بنضيف على الوجة 1/4 كوب حليب
- بعد الانتهاء من التسوية وزعت على الوجة زيت علشان يكون مفلفل وغطيتة علشان يفضل طرى ملحوظة⬇️ اذا هاعمل ارز من غير لحمه لازم مستوى الارز يوصل لنصف الطاجن قبل اضافه الحليب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد