→ كل الوصفات
وجبة الارز معمر دي لذيذة اوي وسهلة جدددا وطعمها مختلف وجديد 😋 #الحقوني
المقادير
- ½ كيلو لحمة مقطعة شرايح رفيعة
- بصلة كبيرة مبشورة
- م ص بهار لحمة
- رشة من (قرفة ، جوزة الطيب ، زنجبيل)
- رشة سكر
- ملح حسب الاحتياج
- ماء حسب الاحتياج
- 2 كوب ارز
- 3 كوب لبن
- م ص ملح
- مكعب ماجي لحمة
- ½ كوب قشطة او كريمة لباني
- سمنة
طريقة التحضير
- اولا اللحمة : في طاسة انزل سمنة او زبدة واشوح فيها اللحمة لحد لما تغير لونها ، بعدين البصل اشوحه لحد لما يدبل ،
- وبعدين اضيف التوابل كلها والسكر ماعدا الملح ، وازود شوية ماية بشوية لحد لما اللحمة تقرب تستوي اضيف الملح واطفي عليها ،
- في البىام اضع الارز وانزل عليه اللحمة واقلبهم مع بعض كويس ، بعدين انزل اللبن والماجي (يستحسن اذوبها في شوية ماية سخنة صغيرين) والملح واقلبهم مع بعض ،
- بعدين تضيفي القشطة اوالكريمة والسمنة من غير ما تقلبي خالص ،
- بعدين تدخليه الفرن الاول تحت الشواية ياخد لون ،وبعدين تطفي الشواية وتشغلي الفرن عادي من تحت لحد تمام السوي وبس كدة بالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد