→ كل الوصفات
#زينة_الحياة وصفة صيفية بامتياز بمكونات اقتصادية جدا ..تابعو معي 😘😘
المقادير
- كيلة ماء دافي
- 2 كيلة فرينة
- ملعقة كبيرة و نصف خميرة الخبز
- ملعقة كبيرة سكر
- ملعقة كبيرة خل
- ملعقة صغيرة ملح
طريقة التحضير
- في اناء نحط الماء والخميرة والسكر والخل ونخلط بملعقة او فوي بعدها نضيف كيلة فرينة والملح ونخلط بملعقة لما ندخل الفرينة في الخليط نجيب برا ميكسور ونخلط حوالي 4 دقائق
- نتوقف ونضيف الكيلة الثانية من الفرينة ونبدا نخلط غير بشوي بالبرا وكل شوي نطفي البرا باه ميتحرقش وخذو حذركم غير بشوي باه متحرقوش الميكسور تاعكم نخلط حوالي 4 او 5 دقائق ونتوقف ونغطيها بكيس بلاستيكي ونخليها تخمر لما تخمر نهبطلها التخمار ونخليها تخمر مرة اخرى
- لما تخمر نهبطلها التخمار نجيب بلاطو ندهنو بالزيت وندهن يديا بالزيت ونشكل كرات
- نجيب طبسي ندهنو بالزيت و نجيب الكرة ودهن يدي بزيت ونخبزها وندير فيها ثقبة كبيرة في الوسط ونديرها طيب في زيت ساخن جدا و نار متوسطة ونخلو الحبة حتى تتنفخ في الزيت ونبداو نرمو عليها فالزيت من الفوق وبعدها نقلبها ونرمي عليها الزيت من الفوق لما تتحمر نحطها
- ونقدمها في طبسي ونفرغ عليهم قليل من العسل او السكر
- ان شاء الله يعجبكم شهية طيبة 😘😘😘😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد