→ كل الوصفات

اسكالوب بالأرز والفطر 👍👍👍

مليسا كهينة بنة ولا أروع مممم 😝😝😝😝😋

  • اسكالوب حسب أفراد العائلة
  • شونبينيون (فطر) علبة مصبرة 500غ
  • 500 غ الأرز المفور
  • 50 غ كريمة الطازجة
  • رشة ملح
  • رشة كركم
  • رشة زنجبيل
  • 3 سنات ثوم
  • ملعقة ك زبدة
  • القليل من الزيت للقلي السكالوب و ملعقة ك الصلصة
  • ملعقة ك فرينة (طحين او دقيق) (طحين او دقيق)
  • كأسين من الماء للصلصة ولتر لطبخ الارز
  1. أولا في رسيبيون (إناء) نحط السكالوب ونمارينيه بتوابل المدكورة و2 سنات ثوم الملح والخردل من الاحسن نخليه شوية وإلا ماعندناش الوقت نكمل الوصفة عادي بلاما يرتاح
  2. نقليه في مقلاة بملعقة ك زيت وملعقة ك زبدة
  3. كي يحمر من جيهتين نحيه وفي نفس المقلاة نضع ملعقة ك فرينة (طحين او دقيق) ونحمصها مليح تنشف المقلاة تماما من بعد نضيف لها كاسين من الماء ونحرك ونزيد لها التوابل وسنة ثوم والملح والفطر ونخليها تغلي ومن بعد نضيف لها كريمة الطازجة ونحرك ونخليها دقيقتين و نرميلها هداك السكالوب أيضا نخليه دقيقتين ونطفيلو ويقدم مع الفريت أو الى تفضلو انا نحبو مع الارز
  4. ملاحظة : كي نرمي الماء فلمقلاة إدا تبركست لنا يعني تولي هديك الصوص فيها كتل تصبح فيها قطع من العجين نضربوها باليد الكهربائي (برا ميكسور) تتحل الكتل و تصبح صوص خاثرة او نصفيها بصفاية 😝😋
  5. بنسبة للارز وضعت قدر من الماء وفيه ملعقة ك كل من ملح وزيت وكركم كي يغلي نرمي الارز كي يطيب, اي يستوي نصفيه وبصحة وراحة 👍💟
عجبتك الوصفة؟
شوف كل وصفاتنا في مكان واحد
كل الوصفات →