→ كل الوصفات

اسكالوب رولي محشي بالرز والكبدة 😍😍 بنة لا تقاوم 😋😋😋

الوصفة عملتهالنا زوجة أخي كلينا صباعتينا وراها من هذاك النهار ما ستغنيماش عليها حبيت نشاركم فيها من مطبخ أمي الغالية😋😋😋

  • صدر دجاج (اسكالوب) مرحي
  • حبة بصل متوسطة مبشورة (نضيف النصف للسكالوب)
  • ملعقة كبيرة موتارد (خردل) (خردل)
  • ملعقة كبيرة مايونيز
  • كزبرة خضراء
  • ملعقة صغيرة ملح
  • ملعقة صغيرة فلفل اسود
  • ملعقة صغيرة كركم
  • ملعقة صغيرة زنجبيل
  • 0.5 ملعقة صغيرة رأس الحانوت
  • ملعقتان كبيرتان شابلير
  • الحشو
  • 0.5 كأس أرز طايب في الماء والملح
  • حوالي نصف رطل كبد دجاج
  • ملعقة صغيرة ملح
  • ملعقة صغيرة فلفل اسود
  • ملعقة صغيرة فلفل احمر
  • ملعقة صغيرة كزبرة
  • كزبرة خضراء(دبشة (كزبرة))
  • ملعقتان زيت
  • حوالي كاسين من الماء
  • للصلصة
  • 0.5 حبة البصل المبشور المتبقي
  • 0.5 ملعقة كبيرة ملح
  • ملعقة صغيرة فلفل اسود
  • 0.5 مكعب مرق دجاج
  • كزبرة خضراء
  • 0.5 لتر ماء
  • علبة جبن طازج(أمير) او كريم فريش
  1. نحضر الحشو: في مقلاة نحط ملعقتين زيت ونحط الكبدة تع الدجاج مقطعة تتقلى مليح نضيف لها التوابل ونقليها ثم نهرسها بالشوكة نضيفلها الكزبرة الخضراء ثم نضيف الماء ونخليها تغلي شوي ثم نضيفلها الرز ونخليه يغلي على نار قليلة حتى يتشرب الأرز الصلصة كاملة نطفي عليه ونخليه يبرد،
  2. نأخذ السكالوب المرحي نضيفلو التوابل والموتارد والمايونيز والشابلير والكزبرة الخضراء ونخلط جيداً نأخذ ورق شفاف نأخذ كمية من السكالوب نفردها ثم نحط الحشو ونلف باستعمال الورق الشفاف نغلقه جيداً وهكذا حتى نكمل الكمية كما هو موضح في الصور
  3. ونحطو في كسكاس يفور حوالي 10 دقائق حتى يشد روحو ثم ننزع الورق الشفاف ونحمرو في مقلاة فيها شوي زيت وزبدة ونحطو جانبا،
  4. بقالي القليل من الرز والسكالوب خلطتهم شكلت كويرات رمدتهم في الفرينة (طحين) وقليتهم في الزيت،
  5. نأخذ المقلاة لي حمرت فيها السكالوب نضيف البصل المفروم نقليه في الزيت المتبقي ثم نضيف الملح والفلفل الأسود ونصف حبة مكعب مرق الدجاج وكزبرة خضراء ونمرق بحوالي نصف لتر ماء ونخليها تطيب اي تستوي اي تستوي ثن نضيف الجبن الطازج او الكريمة فريش نخليها تغلي حوالي 10 دقائق من بعد نحط فيه السكالوب وكرات الأرز يغلي قليلا ويقطع ويقدم
عجبتك الوصفة؟
شوف كل وصفاتنا في مكان واحد
كل الوصفات →