→ كل الوصفات
مع البطاطا. قربت ريحة رمضان وحبيت نقربو اكثر بهذا العشاء لي كان عبارة عن اعادة تدوير الاطباق المتبقية بقالي قليل من الفلفل المقلي و الدجاج المرحي اخترعت طبق جاني اروع من الخيال قمة
المقادير
- كمية من صدر الدجاج مرحي
- قطعة صغيرة بصل
- ملح
- فلفل حلو مقلي
- رشة ملح
- جبن مبشور
- بيض وشابلور
- بصلة صغيرة مقطعة
- قطعة زبدة
- علبة جبن طازج امير
- ملح
- فلفل اسود
- كاس ماء
- كزبرة مقطعة
- 3 حبات بطاطا متوسطة الحجم
- جبن ابيض طري
- معدنوس (بقدونس)
- ملح
- فلفل اسود
- بيضة
- خبز محمص مرحي
- زيت للقلي
طريقة التحضير
- على كيس بلاستيكي نبسط الدجاج المرحي على شكل مستطيل نحط فوقو الفلفل المقلي والجبن المبشور ونلف على شكل رولي نمررو على بيض مخفوق وشابلور ونقليه
- في مقلاة نقلي البصل مع شوي زبدة وزيت حتى يذبل نضيف الملح والفلفل الاسود ثم نحط عليها كاس ماء خليها تغلي شوي ونزيدلها علبة الجبن الطازج نخليها تطيب اي تستوي شوي ونحط داخلها الدجاج لي كنا قليناه ونتحكم في سمك الصلصة حسب الرغبة ثم نرش الكزبرة مقطعة
- البطاطا بعدما نقشرها ونقطعها دوائر بسمك 1سم نرشها بالملح نحطها تفور حتى تطيب اي تستوي نصف طياب باه نقدر نتحكم فيها
- من جهة في صحن نحط الجبن الطري نحط عليه ملعقة صغيرة فلفل اسود ومعدنوس مقطع نخلط للحصول على قوام كريمي
- نحكم دائرة تاع البطاطا بعدما تكون بردت نحط عليها الجبن ونحط عليها دائرة اخرى من فوق نمررها في البيض المخفوق ثم في الشابلور ونقليها في زيت ساخن
- نقطع الدجاج ونحطو في صحن مع البطاطا ونسكب الصلصة من فوق وصحة وعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد