→ كل الوصفات

اسهل جاتو للعيد 🥳

كل سنه وانتم طيبين 🐏🐏

  • كوب ونص دقيق منخول
  • كوب ونص سكر عادي
  • كوب ونص زيت ذره
  • كوب ونص لبن بدرجة حرارة الغرفه
  • كوب الا ربع كاكاو خام اسباني
  • 3 بيض بدرجة حرارة الغرفه
  • معلقه كبيره بيكنج بودر
  • معلقه كبيره خل
  • معلقه صغيره فانيليا سايله
  • رشة ملح
  1. نضع في الخلاط (السكر + اللبن + الكاكاو) ونخلطهم كويس - ثم ننزل بالزيت بالتدريج شويه بشويه ونخلط علشان هيتقل الخليط (هنا ممكن نستخدم المضرب الكهربائي بدل الخلاط لانه صعب يلف) ثم ناخد كوب ونص من الخليط ونضعه في الثلاجه دا هيكون صوص التزين
  2. ثم نضع علي باقي الخليط (البيض + الفانيليا + الخل) ونخلط
  3. في بولة ننخل الدقيق ثم نضع عليه (البيكنج بودر + رشه الملح) ونخلطهم بالسبتيوله
  4. ثم نضيف الدقيق علي الخليط ونقلب بالمضرب السلك
  5. ثم نجيب الصينينه الالومنيوم العاديه المربعه مقاس ٢٠ في ٢٨ ونبطنها زبده او زيت فقط ثم نضع خليط الكيك ونخبط الصينيه مرتين
  6. ندخلها فرن سابق التسخين علي ١٨٠ درجه في الشبكه اللي في النص لمده نص ساعه
  7. وبعد ما تستوي نطلعها ونتركها تبرد تمام ثم نضع الصوص اللي كان في التلاجه ثم نقطعها قطع زي ما تحبي وتزينها بالشكل اللي يعجبك انا زينتها بالكريز والفزدق او سوداني مجروش ونتركها في الثلاجه لحين التقديم بجد كيك غني وهش وغرقان شكولاته والف هنا 😋😋
عجبتك الوصفة؟
شوف كل وصفاتنا في مكان واحد
كل الوصفات →