→ كل الوصفات

اسهل واسرع سندوتشات فراخ شاورما بالجبن

سهله جدا سريعه اوي تنفع تتبل بليل و تتعمل بعد الشغل والواحد مرهق ومفيهاش خطوات كتير وطعمها مبهر جدا جدا

  • 1/2 كيلو صدور دجاج بانيه متقطع تقطيعه شاورما
  • 35 جم توابل شاورما جاهزه
  • 3 معالق زيت
  • معلقتين لبن
  • رشه جبنه موتزاريلا
  • 3 شريحه جبنه شيدر
  1. اولا هنقطع صدور البانيه المخليه تقطيعه شاورما وبعدين نغسلها كويس ونسيبها في التلاجه متغطيه داخل مصفاه لحد ماتصفي مايتها تماما
  2. هنتبلها ب معلقتين لبن وكيس من توابل الشاورما الجاهزه من الماركت
  3. هنسيبها في التتبيله من ٤ ساعات لحد ليله كامله حسب وقتك و بعدين هنسخن طاسه كويس ونحط فيها الزيت يسخن وننزل بالشاورما بدون تقليب لحد ما تاخد اللون ولازم الشاورما تكون متوزعه في الطاسه متكونش كميتها كبيره او فوق بعضها
  4. لما الشاورما تاخد اللون هنهدي النار (ممكن نضيف معلقتين مايه لو احتاجت وكانت ناشفه) ونغطيها لحد ماتستوى
  5. لما تستوى هندوق و نحط ملح بسيط لو احتاجت ورشه من فلفل اسود (احيانا بعض التتبيلات الجاهزه من الماركت زي اللي انا استخدمتها بتكون متضمنه الملح لازم ندوق الاول عشان انا محتاجتش ازود ملح)
  6. لما تستوى هنطفي عليها هنحط رشه جبنه موتزاريلا عالوش و نحط شرايح الجبنه الشيدر ونغطي عليها ونسيبهم يسيحو على البخار
  7. بعد ما ساحت الجبنه هنقدم الشاورما في سندوتشات الفينو والف هنا 🥰😋
عجبتك الوصفة؟
شوف كل وصفاتنا في مكان واحد
كل الوصفات →