→ كل الوصفات
من اروع الوصفات الصيفية لذيذة و سهلة لي ماتخد وقت 😍
المقادير
- 3 كيسان فرينة (طحين او دقيق)
- مغرفة ص ملح
- مغرفة كبيرة خميرة خبز
- مغرفة كبيرة سكر
- مغرفة كبيرة خل
- 2 مغارف كبار زبدة
- نلم بالحليب دافئ
- جنجلانية
- سانوج (حبة البركة او حبة السودا)
- بيضة لدهن الواجهة
- بطاطا مقلية
- طماطم دوائر
- سلاطة
- كفتة
- مايونيز
- بطل دوائر
- صدر دجاج
- فلفل اسود
- كمون
- ملح
- زنجبيل
- كركم
- شابلوغ
- صفار بيضة
- 0.5 حبة بصل صغيرة
- ثوم
- معدنوس (بقدونس)
طريقة التحضير
- نغربل الفرينة (طحين) بصفاية او اي شي عندك نضيف عليها ملح و خميرة الخبز
- وخل وسكر و نخلط مع اضافة الحليب بتدريج حتى نتحصل على عجينة تتلاصق في يد نضيف زبدة و نخلط مليح حتى تتجانس العجينة مع زبدة
- نغطيها و نخليها تختمر ( حتى يضاعف حجمها
- بعد ما تختمر نكسر تخمار و نديرها حربو نقسمها على 8 (انا قسمتها على 8 انتو كيما اي مثل تحبو)
- نعجن كرية شوي و نرجع نلمها في بعض نغطيها بكف يد و ندور باه تتريقلي وترجع دائرية. مثل ما في صورة لي تحت
- نحطهم في صينية فرن تكون مدهونة بزيت او زبدة نخليها تختمر من بعد ندهن واجهة بصفار بيض و نرش عليها جنجلانية و سانوج (حبة البركة او حبة السودا) وندخلها فرن يكون مسخن
- كي يطيب (يستوي)نخرجو من فرن (انا غفلت عليه. قريب تحرقلي. قريب خليتهم بلا غداء. 😀😀)
- نجيو للحشوة قلينا بطاطا دوائر و قصينا طماطم دوائر و غسلنا سلاطة و خليناهم على جنب
- اما بنسبة للكفتة حطينا كل مكونات المذكورة اعلاه في خلاط و خليناها ترتاح مدة ساعة طرحناها دوائر و حطيناها تقلا في مقلاة
- وهكا نكونو و جدنا كلشي مبقالنا غير نخطو في خبز همبرغر
- جبنا خبز حليناه على نص دهناه ب المايونيز (مرة جاية نديرلكم كيفا تخدموه 😍) حطينا بطاطا اولى من بعد طماطم من بعد كفتة في اخير سلاطة و بصل
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد