→ كل الوصفات
#التحدي_البرونزي كان نفسى اغير ف الفراخ عملتها وعجبت كل إللى داقها الصراحه حلوه اوى
المقادير
- 3 وراك دجاج
- علبة زبادى
- معلقه كبيره من (زيت _خل_صلصه _كاتشاب_عصير ليمون)
- حبة طماطم
- بصله متوسطة
- 5 فصوص توم
- معلقه صغيره من (كمون _بهارات فراخ_كسبره_فلفل اسود_جنزبيل بودر_ملح_بابريكا)
طريقة التحضير
- اول حاجه نغسل الفراخ حلو اوى باننا ننقعها ف ميه فيها خل وملح ولمون لمده ساعه ونطلعها نغسلها بميه
- نحضر التتبيله نخلط البصله والطماطم والتوم وكل التوابل والزيت والخل وعصير الليمون ف الخلاط من غير ميه او ممكن ربع كوب ميه لو الخلاط مش بيلف معاكى
- نحط الزبادى وعليه معلقة الصلصه والكاتشاب والبابريكا ف طبق ونقلب كويس وننزل عليهم بالخليط إللى ف الخلاط ودى كده التنبيه
- نجيب الفراخ ونعمل فتحات ف الوراك ونغرقها ف التتبيله وندخل التتبيله جوه الفتحات بعد كده نحطها ف باقى التتبيله ونلف الطبق ب ورق نايلون لمدة ساعتين ويفضل تبات قبلها بليله ف التتبيله
- بعد كده نجيب صنيه ونحط فيها ميه مغليه ونحطها ف الفرن على الصاجه إللى تحت ونسخن الفرن جامد وبعد كده نرص الفراخ على الشبكه بحيث يكون الجلد تحت وتكون الصنيه تحت الفراخ عشان البخار يطلع عليها ونسيبها ساعه وبعد كده نقلب ع الوحش التانى ساعه ونطلعها م الفرن بعد ما نتأكد انها استوت بجد بيكون طعمها حلو جدا طعم التتبيله باين فيها والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد