→ كل الوصفات
جددى وغيرى واعملي أحلي طاجن معكرونة بالكفتة في الفرن #المرور_الاول
المقادير
- لعمل المعكرونة
- 750 جرام معكرونة
- معلقة كبيرة ملح كبيرة
- معلقة كبيرة زيت
- لعمل الصلصة
- كوب عصير طماطم
- 1 بصلة متوسطة
- 2 معلقة كبيرة زيت
- ½ معلقة كبيرة ملح
- ½ ملعقة صغيرة فلفل أسود
- شطة حسب الرغبة
- لعمل الكفتة
- ¼ كيلو لحمة مفرومة
- 2 بصلة متوسطة
- ½ معلقة صغيرة ملح
- ½ ملعقة صغيرة فلفل أسود
- قليل جبنة موتزاريلا, للوجه
طريقة التحضير
- لسلق المعكرونة نغلي ماء على النار واول ما تغلى نحط الملح والزيت وبعدين المعكرونة اي نوع تفضليه ونقلبها من وقت للتانى وبعد ماتستوى نصفيها ونشطفها بالماء كويس
- لعمل الكفتة نبشر البصل ونحطه في بولة بالماء بتاعته ونحط عليه اللحمة والملح والفلفل الأسود ونعجنهم كويس ونعملها كور ونحطها في صينية بدون اي مواد دهنية او ماء على نار هادية جداً لحد ماتنزل الماء إللى فيها وتستوى كويس
- لعمل الصلصة نخرط البصلة صغير ونشوحها في الزيت لحد ما تأخذ لون اصفر غامق ننزل بعصير الطماطم والبهارات ونسيبها تتسبك كويس
- نحط بقى الصلصة على المعكرونة ونقلبها كويس وبعدين نحطها في بايركس ونساويها ونحط عليها الكفتة وندخل الكفتة شوية جوا المعكرونة وبعدين نحط الجبنة الموتزاريلا على الوجه بس مش نجبها على الكفتة وندخلها الفرن على الرف الأوسط ويكون سخن من قبلها على أعلى درجة حرارة لحد ما الجبنة تسيح نطفى الفرن ونشغل الشواية تأخذ لون ذهبي حلو وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد