→ كل الوصفات

🍗 افخاد الدجاج محشية 🍗

#يوميات_رمضان

  • فخدين دجاج
  • 100 غ لحم مفروم
  • جبن طري
  • زيتون اخضر بدون نواة
  • حبة بصل مفرومة ناعم
  • 4 فصوص ثوم مفروم
  • بيضة
  • زبدة
  • ملعقة كبيرة شابلور(خبز مرحي)
  • ملح و فلفل اسود
  • كركم و زنجبيل بودرة
  • راس الحانوت و توابل الدجاج
  • ملعقة صغيرة موتارد
  • عصير نصف حبة ليمون
  • ملعقتين كبار زيت
  1. نجيب فخد دجاج لازم تكون الجلدة تاعو كاملة كما في الصورة و بواسطة سكين حاد نحاول ننزع العظم عن اللحم
  2. بعد ما ننزعلو العظم نجيب صحن و نخلط فيه ملعقة صغيرة زبدة و فصين ثوم موتارد و التوابل و عصير نصف حبة ليمون نمزجهم جيدا مع بعض ثم ندخلهم جيدا فالافخاد من الجهتين
  3. نجيب اللحم المفروم و نضيفلو ملح و فلفل اسود و راس الحانوت و ملعقة صغيرة شابلور و ملعقة صغيرة زبدة و فص ثوم و بيضة مخفوقة نخلطهم جيدا مع بعض حتى يتجانسو و نحط كمية فوق فخد الدجاج و فوق قطعة جبن (كما موضح فالصورة) ثم نغلق على الجبن باللحم المفروم
  4. و نجيب برة و خيط و نخيط الفخد تاعي 😅😅 جيدا بعد من نخيطهم نغطهيهم و ندخلهم ثلاجة على الاقل ساعة (انا استعملت فخد واحد و الثاني احتفظت بيه فالمجمد) ثم في قدرة نحط ملعقة صغيرة زبدة و ملعقتين زيت كي يسخنو نحط الفخد و كمية من الزيتون يتقلاو جيدا و ياخد تحميرة الفخد
  5. نضيف البصل و الثوم و فلفل اسود زنجبيل و ملح نقليهم حتى يذبل البصل و يطلق الماء تاعو نمرق بماء ساخن و نغطي على القدرة بعد ما يطيب الدجاج ننزعو من القدرة و نخليه يبرد قليلا ثم ننزعلو الخيط و نقطعو الى شرائح و نقدمو مع الزيتون و رشة معدنوس و شريحة ليمون و صحتين و هنا 🙂🙂
عجبتك الوصفة؟
شوف كل وصفاتنا في مكان واحد
كل الوصفات →