→ كل الوصفات

افخاذ الدجاج محمرة فالمقلاة

#تحدي_ملكة_في_مطبخي #لمة_الاحباب #جزائرية

  • افخاد دجاج
  • علبة ياؤورت
  • م ك طماطم مصبرة
  • م ص ملح
  • م ك عكري حلو
  • م ص فلفل اسود
  • م ص توابل شاورما
  • 1/4 كاس زيت
  • م ك خل او عصير ليمون
  • شرائح بصل
  • 1/2 كاس ماء
  1. نبدا بسم الله ونجيب افخاد دجاج منظمة حسب افراد العائلة انا عملت ونوجد الماريناد تاعي نحط في صحن علبة ياؤورت طبيعي وم ك طماطم مصبرة والفلفل الاسود والعكري الحلو وم ك خل او عصير ليمونة ونضيف ربع كاس زيت وتوابل شاورما والملح ونخلطو مليح ثم نحط فيه افخاد الدجاج ونخلطهم مليح ثن نغطيهم بورق شفاف ونخليهم حوالي ساعة
  2. نجيب مقلاة تكون ثقيلة وماتلصقش نحطها عالنار ونحط فيها افخاد الدجاج وكل الماريناد لي بقا فالصحن على نار هادئة ونخليهم يطيبو ونبقا نقلب فيهم كل ربع ساعة ثم نضيف شرائح بصل عالخليط ونغطي ونخلي الكل يطيبو بعد ذلك نضيف حوالي نصف كاس ماء ونحرك مليح ونغطي ونخليها تطيب على نار هادئة
  3. ثالثا نبقا نقلب فيهم كل ربع ساعة حتى يبدا هذاك الماريناد يثقال وينقص والبصل تكرمل وافخاد الدجاج يتحمرو مليح نطفي النار ونحتفظ بقليل من الصلصة لي طاب فيها الدجاج
  4. فالاخير نقدم الافخاد تاعي سخونين في صحن التقديم انا قدمتهم مع حساء الخضار جاو بزااااف بنان وطريين من داخل
عجبتك الوصفة؟
شوف كل وصفاتنا في مكان واحد
كل الوصفات →