→ كل الوصفات

افضل طرق شوربة العدس

من اسهل الطرق وطعمها كريميه وتحفه جربوها ووروني عمايلكم 😍

  • 250 جرام عدس اصفر
  • 1.5 لتر ماء
  • 200 جرام بطاطس مكعبات صغيرة
  • 200 جرام جزر مكعبات صغيرة
  • 200 جرام بصل مقطع مكعبات
  • 200 جرام طماطم مقطع مكعبات
  • 4 فصوص ثوم كبار مفروم
  • مكعب مرقه دجاج
  • 5 معالق زيت
  • ملح حسب الرغبه
  • 1/2م.ص فلفل اسمر
  • 1/2م.ص كمون
  • 1/2م.ص شطه
  1. نحضر المكونات السابقه ونضع الزيت في الحله ونحط عليه البصل ونقلب لحد ما يذبل البصل وبعدين نحط الثوم ونقلب وقبل ما يتحمر الثوم نحط الطماطم والبطاطس والجزر ونهدي النار شويه ونغطيهم ونتركهم لمده 5دقايق
  2. بعد كدا هنحط العدس ومكعب المرقه والتوابل وبعدين نحط الماء ونقلبهم ونغطي الحله ونسيها تغلى لحد ما تستوي تماما (من 20الى 25 دقيقه)
  3. بعد ما تغلى الشوربه ونتأكد ان كل المكونات استويت هنطفى عليها ونبدأ نطحنها بالهاند بلندر او لو مش متاح عندك نسيبها تبرد شويه ونخلطها في الخلاط لحد ما يبقى قوامها كريمي ونقدمها بالف هنا وصحه 💖
عجبتك الوصفة؟
شوف كل وصفاتنا في مكان واحد
كل الوصفات →