→ كل الوصفات
#أطباق_رمضان وصفة على طريقة اختي ام تقي ولا أروع منها كتير زاااكية تسلم إيديكي الحلوة ع الوصفة الرائعة *التغيير البسيط بالوصفة وضعت الدجاج بالفرن بدل جرل الغاز* جدا رائعة ومميزة وسهلة وما بتغلب❤❤
المقادير
- معلقتين بهارات عامة مشكلة
- معلقتين فلفل أسود
- معلقتين زنجبيل بودرة
- معلقتين ثوم بودرة
- معلقتين بابريكا
- معلقة نعنع ناشف
- معلقتين كركم
- معلقتين ملح
- ¼ كوب زيت زيتون
- 4 معالق خل أبيض
- عصير حبة ليمون
- 4 معالق رب البندورة
- كوب لبن
- 3 أكواب أرز بسمتي
- 4 أكواب ونصف ماء
- معلقة كركم
- معلقة زنجبيل مطحون
- مكعب ماجي
- معلقة بابريكا
- معلقة بهارات عامة مشكلة
- ملح حسب الرغبة
- معلقة زيت نباتي
- زبيب
- لوز مقلي
طريقة التحضير
- ننظف الدجاج ونصفيه من الماء ، في وعاء نضيف بهارات التتبيلة لنقع الدجاج ونخلطهم مع بعض جيدا وآخر شي بنضيف رب البندورة والنعنع الناشف وعصير الليمون واللبن وزيت الزيتون ونخلطهم جيدا حتى يتجانسو
- ثم نتبل الدجاج ونخلطه بالبهارات جيدا ، ثم نعمل به شقوق بواسطة السكين
- نترك الدجاج المتبل بالثلاجة مدة 4 ساعات أقل شي لحتى ينقع بخلطة البهارات والتتبيلة
- تجهيز الأرز 《طبعا بنكون ناقعينه لمدة ساعة ومغسول ومصفى من الماء》 : نضع ماء بطنجرة 《يفضل أن يكون ماء سلق الدجاج 》ونضع مكعب الدجاج ومعلقة الزيت ونترك الغاز على نار عالية حتى يقترب من الغليان
- نضيف الأرز المبهر فوق الماء ونتركهم على نار عالية حتى الغليان ثم نتركهم على نار هادية حتى تمام النضج والإستواء
- نضع الدجاج بصينية جرانيت ونغطي عليها بورق القصدير ونضعها بالفرن النار من تحتها بالبداية النار بتكون عالية لمدة 10 دقائق ثم نترك الدجاج على نار هادية مدة ساعة وربع ،، بعد إنتهاء الإستواء نحمر الدجاج بالفرن والنار تكون من فوق
- وصحتين وعافية
- نسكب الأرز بطبق التقديم ونضع الدجاج فوقه ونزينه بالفستق المقلي والزبيب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد