→ كل الوصفات

الأرز باللبن بطريقتي

#احنا_المصريين تحليه سهلة و سريعة وغير مكلفة واحلى مليون مرة من بتاع المحلات

  • 0.5 كوب أرز مغسول ومنقوع ساعتين
  • كيلو لبن حليب
  • 0.5 كوب سكر (حسب الرغبة)
  • 2 معلقة نشا
  • 3 ملاعق كبار كريم شانتيه
  • 3 ملاعق كبار قشطة (بلدي أو معلبة)
  • زبيب
  • جوز هند
  • سوداني
  1. نضع نصف كمية اللبن في حلة على النار و نضع عليه الأرز ونتركه حتى اللبن يغلى ثم تغطى عليه ونترك الأرز شوية في اللبن لمدة ربع ساعة
  2. ثم نضع باقي كمية اللبن ونقلب كويس على نار هادئة ونضع السكر ونقلب ثم في طبق صغير نذوب النشا مع الكريم شانتيه في شوية لبن صغيرة ونضعها على اللبن والأرز ونقلب كويس ثم نضع القشطة ونقلب
  3. نتركه على النار حتى قوامه يبقى متماسك شوية مع التقليب المستمر ثم نطفى النار ونتركه يبرد شوية
  4. الوصفة مفيش فانيليا لانها بتغير الطعم دي طريقتي لو عايزة انتي ممكن تحطي نصف ملعقة صغيرة
  5. نضع الأرز في اطباق التقديم ونضع عليها المكسرات دي حسب الرغبة أو ممكن رش قرفة على الوجه بتبقى حلوة الي بيحب القرفة ونزينه بالمكسرات، وبالف هنا
عجبتك الوصفة؟
شوف كل وصفاتنا في مكان واحد
كل الوصفات →