→ كل الوصفات

الأرز مع الجمبري بصلصة الطماطم

#الشيف_الذهبي اللهم صلّ وسلّم وبارك على سيّدنا محمد، حبيت نشـارك معاكـم اليـوم أرز 🍛 بطريقة سهلة وبسيطة، يجي 👌🏻بزاف بزاف بنين 😋، قدّمتو مع الجمبري بصلصة الطماطم، نهاركم موفق أحبتـــي 💐🌷💐 صحّ فطوركم. اللّهم اهدنا في هذا اليوم لصالح الأعمال، واقضِ لنا فيه الحوائج والآمال، اللهم افتح لنا فيه أبواب الجنان، وأغلق عنا فيه أبواب النيران، ووفقنا فيه لتلاوة القرآن ياحنان يا منان.

  • كاس ونص أرز بسمتي أبيض
  • 2 ملاعق زيت
  • حبة بصلة متوسطة مفرومة
  • 1 ملعقة صغيرة زبدة أو مارغرين
  • حبة جزر كبيرة مفرومة
  • حبة طماطم متوسطة مفرومة
  • 3 فصوص ثوم مفروم
  • ملعقة صغيرة طماطم مصبرة
  • التوابل نحتاج
  • الملح حسب الذوق
  • ملعقة صغيرة ممسوحة فلفلة حمرة
  • ¼ ملعقة صغيرة فلفل أسود
  • ½ ملعقة صغيرة كركم
  • ½ ملعقة صغيرة زعيترة محكوكة بين يدي
  • مربع مرق السمك إختياري
  • 3 كيسان ماء دافيء
  1. نبدأ على بركة الله، أولا نغسل الأرز مليح ونخليه في ماء دافيء لحين الإستعمال تقريبا 15 دقيقة، نوجد كل المكونات
  2. في كاسرونة نحط الزيت والزبدة (أو المارغرين) نخليها ذوب نضيف عليها البصلة نكون طحنتها في الآشوار ونخليها تتقلى مليح
  3. نضيف عليها الجزر حتى هي نكون طحنتها في الآشوار نقليها مليح
  4. ثم نضيف الطماطم المصبرة ونخلط الكل جيدا ثم نضيف الطماطم حتى هي مطحونة في الآشوار
  5. نخليها تتقلى مليح نضيف عليها الأرز بعد ما خليتو يستقطر نحرك مليح ونخليه حتى هو يتقلى شوية في الأخير نضيف التوابل (الملح، الفلفل الأسود، الكركم، الفلفلة حمرة والزعيترة) نحرك كل المكونات مليح. ملاحظة مهمة: ✔ما نكثروش الملح لخاطر رانا ماشيين نضيفو مكعب المرق
  6. من جهة أخرى نحل مكعب المرق الخاص بالسمك في 3 كيسان ماء دافيء في اآشوار اللي استعملتو بلا ما نغسلو ونفرغو على الأرز نغلق عليه ونخليه يطب على نار متوسطة إلى هادئة. ملاحظة مهمة: ✔إذا ما توفرش مكعب المرق عادي راه إختياري فقط
  7. نخليه حتى يشرب كامل الماء ديالو ويجي على حبة. نصيحة: ✨من الأحسن إستعمال الفرشيطة عند تقليب الأرز
  8. قدّمتو مع الجمبري بصلصة الطماطم جا بزاف 👌🏻بنين😋 كنت 👈🏻حطيت من قبل الوصفة يمكن تفقد الطريقة من خلال هذا الرابط👇🏻
عجبتك الوصفة؟
شوف كل وصفاتنا في مكان واحد
كل الوصفات →