→ كل الوصفات

الاتر أو الجاكود (سبانخ مفروكه)

#النمليه من اشهر الاكلات النوبيه و هي اكله شتويه و بيستخدموا فيها اداه المفراك للهرس بتتاكل مع العيش الكابد أو عيش الدوكه هو عيش نوبي بيشبه القطايف بس بيتميز بكبر حجمه و سبقت و عملت طريقته الشيف نجوي العربي في تطبيقات الفطار و يوجد ثلاث انواع من الاتر بالسبانخ و البسله (البازيلا) والسلق و بتستخدم معاهم الخضره (الشبت و الكزبره) و الباميه الناشفه المطحونه و في بعض أهالي أسوان اللي مش بنوبيين بيستخدموا بدل الباميه الناشفه رز هما بتساعدوا على ربط السبانخ الان نسبه المياه فيها عاليه

  • 1/2 كيلو سبانخ
  • بصله مقطعة صغير
  • واحده طماطم مقطعة صغير
  • 3 كوب شوربه
  • ربطه كزبرة
  • 1/2 ربطه شبت (او شمر زي ما بيقولوا أهالي أسوان)
  • 2 معلقه صغيره ثوم مفروم
  • معلقه كبيره باميه ناشفه (باميه متقطعه ومجففه وبتطحن بالهون)
  • 1/2 معلقه صغيره كربونات
  • شطه (اختياري)
  1. نغسل الخضره والسبانخ كويس ونأخذ منهم الورق بس
  2. نغلي الشوربه ونحط فيها البصل و الطماطم و ملعقة ثوم صغيرة وربع ملعقة صغيرة كربوناتو لانه بيساعد على أن الخضار يذوب اسرع ونسيبها تغلي شويه
  3. بعد كده ننزل بالسبانخ و الخضره و ربع ملعقة الكربوناتو و نسيبها تغلي شويه حوالي عشر دقائق لحد ما السبانخ تتهري خالص ننزل بقي المفراك و نفرك كويس لحد ما تنعم ونحط ملعقة الباميه الناشفه و ملعقة ثوم صغيرة و نفرك تاني علشان الباميه ماتعملش كلاكيع
  4. في حال أننا هنعملها بالرز بدل الباميه يبقى لازم ننزل الرز مع البصله في اول مرحله
  5. و بتتقدم مع العيش الكابد بنفس الشكل
عجبتك الوصفة؟
شوف كل وصفاتنا في مكان واحد
كل الوصفات →