→ كل الوصفات

الارز الاحمر بالفراخ 😍😍😍

#الشيف_الذهبي

  • دجاجه مقطعة نصفين او اربع قطع ومغسوله جيدااا
  • 1/2 كيلو ارز بسمتي ذهبي
  • بصله كبيره
  • 3 ملاعق كبيرة صلصه
  • 2 فص ثوم كبار
  • معلقتين كبار مبشور الجزر
  • عودين قرفة خشب
  • 5 فصوص حبهان
  • 5 مسمار قرنفل
  • 4 ورقات لورا
  • زعتر
  • ملعقة صغيرة بهارات مشكله
  • ملح وفلفل اسود حسب الرغبة
  1. هنقطع البصله قطع صغيرة جدااا ونحط في الحله شوية زيت مع ملعقة زبده او سمنه ونحمر البصله اول ما تذبل نقطع الثوم حلقات رفيعه ونحطها معاها ونحط القرفه والحبهان والقرنفل وورق اللورا ورشة فلفل اسود ونقلب كل ده مع البصله تقليبتين كده
  2. نجيب الفرخه وننزل بيها مع البصل نديها صدمه ونقلبها على الناحيه التانيه نديها صدمه برضه.. نكون محضرين ماء ساخنه ونذوب فيها الصلصة حوالي ٦ اكواب ماء ساخن كبار ونحطهم على الفراخ بحيث يغطوها ونسيبها تغلى غلوتين وبعدين نخفف النار ونسيبها واول ما الفراخ تدخل في السوا نحط الملح بتاعنا حسب الرغبه ونسيبها تكمل سواها ولما تستوي نطلعها ونحطها في الصينيه وعلى الفرن تتحمر
  3. هنكون غسلين الرز وننزل بيه في الخليط اللي الفراخ اتسلقت فيه ده ونضيف رشة الزعتر ورشة البهارات المشكله ونقلب كويس ونعلى النار ونظبط ملحنا لو احتاج ولازم المياه تكون مغطياه قيمة عقلة صباع ونصف فوق الرز لو لقينا الماء نقصت نزودها ماء ساخنه شويه ونغطيه اول ما يشرب الماء نضيف بشر الجزر ونقلبه ونخفف النار خالص ونغطيه ونسيبه لحد ما يستوي
  4. نحطه في الطبق وفوقيه الفراخ ويقدم وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →