→ كل الوصفات

الارز المعمر الاصلي

الارز المعمر الاصلي هتدعيلى #سر_الطبخة ملعقة السمنه النباتى ونص كوب الماء وحركه المعلقه اللي بتعليه والحبهان وجوز الطيب م.ص سكر والقرفه

  • كيلو ارز مغسول دون ان ننقع
  • 0.5 كوب شوربه
  • 0.5 كوب ماء ضرورى جداً هو اللي بيسوى الارز وعشان هو اللي بيطريه
  • رشه جوز الطيب
  • ورشه حبهان مطحون
  • ورشه قرفة
  • ملح م.ك الا ربع وندوبها في اللبن
  • وم.ص سكر
  • كيلو لبن جاموسى مغلي لازم يكون سخن جداً
  • معلقتين زيت
  • 200 جرام زبده اوسمن بلدي
  • م.ك قشطه ان وجد
  • معلقه سمنه نباتي هنا السر بتدي طعم وتخليه ينفش
  1. نحط المكونات على بعد لو هتعمليه في فرن البوتاجاز لازم اللبن يكون بيغلى اوي وزعى السمن كويس وسيبى سم فاضى في الفخار او الصينيه عشان لما بيغلى بيفور يعنى سيبى حوالي نص كوب من اللبن على جنب
  2. دخليه الفرن على اعلى درجه ويكون متسخن مقدما
  3. هيفضل يغلى اول مااللبن ينشف من عليه خالص
  4. طلعيه وغرزى ايد ملعقة في نص الطاجن وطلعى حبه رز شوفيه استوى ولا لا لو مستواش غزيه بالمعلقه كله وشربيه باللبن اللي باقي وومسكى ايد المعلقه الطويله دخليها تحت الارز وقلبيها على ضهرها ومن الاجناب ورفعى بيها الرز وشليها عشان يعلى وتدخليوا هوا ويأخذ راحته في السوى
  5. دخليه الفرن وخففي النار وسبيه يستوي حوالي عشر دقائق اول ميستوى طلعيه على طول عشان ماينشفش وبالهناء والصحه والسعاده يارب
  6. ادعوا وقولوا اللهم ادخلنا الجنه دون حساب ولا سابقه عذاب اللهم ارزقنا الفردوس الاعلى امين
عجبتك الوصفة؟
شوف كل وصفاتنا في مكان واحد
كل الوصفات →