→ كل الوصفات

الباتيه والكرواسون 🇫🇷🇦🇺

وصفتنا تنفع تتحط من ضمن لانش بوكس مع شوية سلطه وعصير للمدارس وصفة الباتيه من المطبخ الفرنسي اما بالنسبة للكرواسون اختلفوا مابين استراليا منشأ الاساسي ليها او فرنسا حتى احنا بنطقها بطريقة الفرنسية المهم هنقول ع طريقه عجينة تنفع تعمليها بيها الباتيه والكرواسون و عملت بيها قبل كده معجنات طرية وهشة بالسوسيس و منعاً اننا عارفين ان سوسيس مضر للاطفال انتي تقدري تعمليه ف بيت ويكون صحي هتلاقي وصفة المعجنات نفسها بالوصفات عندي وقريب هنزلكم وصفة سوسيس بالبيت بإذن الله⁦❤️ هتعجبكم الوصفة دي جدا بإذن الله ⁩

  • كيس حليب بودرة صغير 25 جرام
  • علبة زبادي صغيرة 105 جرام
  • 1/2 كوب سكر
  • 1/2 كوب زيت (يفضل يكون زيت زيتون)
  • 2 م ك خميرة
  • 2 م ص بيكنج بودر
  • م ص ملح
  • 2 كوب حليب دافي او ماء دافي
  • كيلو دقيق
  • بيضة مخفوقه
  • 1/2 كوب ميكس سمسم وحبه البركه
  • علبة جبنة فيتا او اي حشوه تحبيها
  1. نجيب بولة ونحط فيها كل مكونات ماعدا الدقيق ونخلطهم كويس اوي وبعدين ننزل الدقيق بالتدريج ونعجن كويس اوي لحد مانوصل لعجينة متماسكة
  2. وبعدين نحطها ع رخامه ونفضل نعجن فيها لحد ما تكون ملساء وطريه ونجيب بولة مدهونه زيت خفيف ونحط العجينة وبفرشة زيت خفيف ندهن العجينه من فوق ونغطيها بالرول استرتش ونسيبها تتخمر ساعة
  3. نسخن الفرن ع درجة حرارة اعلى شوية من الوسط
  4. نجيب العجينه ونقسمها لكور متساويه. لعمل الباتيه اولاً : ناخد كوره نفردها شكل مستطيل ونساوي الأطراف ونقطع بالطول كده
  5. نضع معلقه جبنة ع طرف العجينة و نرول العجينة علشان نعمل الباتيه
  6. لعمل كرواسون : هنفرد العجينه دايره او مستطيلة المهم تقدري تقسميها مثلثات ونحط الحشوة ع طرف اللي فيه القطعه او العريض ونلفها علشان تديكي شكل كرواسون
  7. نرصصها ع صينيه مدهونة زيت خفيف وندهن الوجه بعد كده بالبيضه المخفوقه وارش سمسم وحبة البركة
  8. نسيبها تتخمر شوية و بعدين نحطها ف الفرن لحد ماتستوي وتاخد لون وبألف هنا ⁦♥️⁩
  9. ملحوظة ع فكره انتي ممكن ماتحطيش اي حشوه وتخليها ساده ولما تطلع قطعيها زي عيش فينو وحطي لانشون او شيدر زي فكره ساليزون كده
عجبتك الوصفة؟
شوف كل وصفاتنا في مكان واحد
كل الوصفات →