→ كل الوصفات

الباذنجان المخلل مقلي / مسلوق

معظمنا بيحب المخللات جبتلكو طريقه بسيطه وجميله وسهله للبذنجان المخلل

  • كيلو باذنجان أسود طويل الحجم اللي تحبيه
  • راس ثوم متوسطه ومقشرة
  • 1 فلفل حار
  • 1 طماطم متوسطه مقطعه مكعبات صغيره
  • 2 ليمون
  • معلقة كبيرة خل
  • 1/2 معلقه ملح (لو احتاجتي رشه كمان زودى عادى)
  • 1/4 ملعقه كمون سادة
  1. شيلي راس البذنجان واغسليه كوبس وشقيه من الظهر بس من غير ما تقسميه وحطيه في حلة للسلق فيها ماء مغطي الكمية وربع معلقه ملح وورقتين نعناع
  2. ولو هتقليه يبقى اغسليه وافتحيه و سخنى الزيت وابتدى اقليه علي نار متوسطة عشان يستوى من جوة كويس
  3. في هذه الاثناء ندق الثوم والفلفل الحار مع الملح والكمون في مدقه الثوم لحد ما يبقي شكله كده
  4. نحط الطماطم وندق بالراحه لحد ما الطماطم تندمج فيه كويس زى كده
  5. نعصر الليمون عليه ونضع الخل ونقلب كويس
  6. يكون البذنجان اتقلي او اتسلق ونبتدى نحشيه ونرصه في طبق واذا اتبقي شويه خلطه ممكن تحشي طماطماية و الباقي حطى اقل من ربع كوب ماء علي الخلطه ورشي فوق البذنجان بتعمل له زى صوص فيه كده بتخليه روعه ولو مقلي حطى ميه ومعلقه زيت هتخليه خرافه وبالهنا والشفا
  7. انا عملت مقلي ومسلوق 😇
عجبتك الوصفة؟
شوف كل وصفاتنا في مكان واحد
كل الوصفات →