→ كل الوصفات
#المرور_الاول اطعم مخلل باذنجان ممكن تدوقوه في حياتكم بتكة صغيرة فعلا فرقت معايا
المقادير
- 1/2 كيلو باذنجان حجم صغير
- 1/4 كوب خل ويفضل نوعية جيدة
- ملعقة صغيرة ممسوحة سكر
- 1 ليمونة مخللة كاملة
- قرن فلفل شطة مخلل
- 2 زيتونة مخللة
- ملعقة كبيرة ثوم مفروم
- 5 قرون فلفل احمر بارد
- قرن فلفل شطة (اختياري)
- رشة ملح
- ملعقة صغيرة كمون
- ملعقة صغيرة كزبرة
طريقة التحضير
- ببساطة هتجيبى الفلفل الصغنن المحندق اللي اصغر من باذنجان المحشى وهتشيلى الراس بايدك مش تقطعيها بالسكينة كده احلى وهتشقيه بالطول بس مش تقسميه نصين وهتقليه في الزيت
- هترفعيه على ورق نشاف كتير بقى علشان يشرب كل الزيت اللي الباذنجان شوربه اثناء القلى وبالنسبة لى بعد الخطوة دى كمان بحطه في علبة ومعاه ورق ثاني كتير واسيبه في الثلاجة لحد ثاني يوم علشان اتخلص من اكبر كمية زيت وهتتفاجئى ان المناديل لسه بتشرب زيت طب كان مخبى كل ده فين
- كل مكونات الخلطة هتحطيها على بعض وتضربيها ضربا مبرحا لحد ماكله يختفى وحتة انى بضيف مخلل مع الباذنجان دى شفتها عند واحد بتاع فول وطعمية كان بيعمل الباذنجان صينية كبيرة وبعد ربع ساعة الناس بتكون خلصت عليها
- وبس ياستى احشى بقى الباذنجان وكلى واتهنى جمب صينية الفطار بتاعة يوم الجمعة اللذيذة وعلى فكرة الخلطة دى بتقدرى تحطى منها على الفول بتخليه يانهار ابيض خطير وكل ماتسيبيها في الثلاجة بتتعتق كده وتأخذ وتدى مع نفسهاوبتبقى مجرمة
- في ناس لاحظت انى بحط سكر وخل في اغلب طبخاتى وواخدين على الخطوة دى احب اقولهم حاجة الاكل اذواق ومن حقى اوصل للطعم اللي بحبه غير ان فعلا التركيبة دى بتدي للاكل كله طعم زي مابيقولوا كده حاجة حلوة من غير سكر وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد