→ كل الوصفات
#التحدي_الذهبي
المقادير
- ½ كيلو دقيق منخول 500 جرام
- ¼ كيلو زبدة 250 جرام ولازم يكون نوعها كويس جداً
- 1/8 كيلو سكر بودرة منخول
- 2 بيض
- كيس فانيليا
- رشة ملح
- كول مربى فراولة, للحشوة
طريقة التحضير
- (ملحوظة مهمة) : لازم البيض والزبدة يكونوا بدرجة حرارة الغرفة والزبدة تكون مش مجمدة وفي حالة كانت الزبدة جامدة هنضربها الاول مع الدقيق اما لو في درجة حرارة الغرفة هنضربها مع السكر في الاول
- نضرب في الكآبة السكر البودرة مع الزبدة كويس
- بعدين ننزل عليهم بالبيض والفانيليا ورشة الملح ونضرب تاني
- بعدين ننزل بالدقيق المنخول على الخليط و نخلطهم كويس مش كتير عشان العجين ما ينشفش
- نترك العجين يرتاح نصف ساعة
- نحضر صينية وندهنها زبدة كويس وبعد ما العجين يرتاح نفرده بالنشابة سمك حوالي 2 سم و نفرد في الصينية
- نضع فوق العجين طبقة وفيرة من المربى
- نحضر باقي العجين و نفرده و نقطعه بالسكين شرائح ونضعه بالشكل اللي في الصورة فوق طبقة المربى و نمسك طبقة الشراءح بالعجين السفلي كويس جداً عشان يكون طبقة واحدة زي الفطيرة كدة
- في فرن سخن على حرارة 180 نضع الصينية لحد ما تحمر و تستوي وبالف هنا وشفا طعمها حلو اوي وتشبه في طعمها السابليه 😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد