→ كل الوصفات

البانيه الذهبي 🐔🐣

البانيه بطريقه سهله وتتبيله جميله 🐤 #تحدي_الحروف #عروسة_جديدة

  • 1/2 كيلو صدور دجاج بانيه مغسوله ومنقوعه فى ملح وخل وليمون
  • 1/2 ملعقه صغيره ملح
  • 1/2 ملعقه صغيره فلفل اسود
  • 1/4 ملعقه صغيره كمون
  • 1/4 ملعقه صغيره كركم
  • 1/4 ملعقه صغيره كارى
  • 1/4 معلقه صغيره بابريكا
  • 1/4 ملعقه صغيره زنجبيل بودر
  • 1/4 معلقه صغيره كزبره ناشفه
  • بصله متوسطه مفرومه او مقطعه باى شكل
  • 2 فص ثوم
  • عصير نصف ليمونه
  • معلقه صغيره خل
  • 1/4 فنجان ماء
  • مكعب ماجى
  • بيضه
  • 2 معلقه كبيره حليب
  • رشة ملح
  • رشة فلفل اسود
  • 1/2 كوب دقيق
  • 1/2 كوب بقسماط مطحون ناعم
  • معلقه كبيره نشا
  • كيس فيجتار بارد او حار حسب الرغبه
  1. اولا هنغسل البانيه من الملح والخل والليمون ونحضر كيس تلاجه نفتحه بالمقص وعلى البلانشه نضع البانيه جوا الكيس ونخبط عليه بالراحه بايد الهون او شاكوش المطبخ والخطوه دى عشان انسجة البانيه تفتح وتتشرب التتبيلة
  2. بعد كدا بنجيب الخلاط الجميل بتاعنا ونضع فيه كل مكونات التتبيله ونضربها ونصفيها فوق البانيه
  3. نتركه فى التتبيله لو مش مستعجله ساعتين او ممكن يبات فيها فى التلاجه لو مستعجله ربع ساعه
  4. بعد كدا بنحضر البيضه مع اللبن والملح والفلفل ونضربهم فى بوله كويس واللبن هنا عشان يكون البانيه طرى من جوا
  5. ونحضر الدقيق والبقسماط والنشا اللى ممكن نستغنى عنه والفيجتار ولو مفيش فيجتار يبقى التوابل اللى قلنا عليها
  6. نضع البانيه فى البيض ونقلبه فيه ثم فى الدقيق والبقسماط ونضغط جامد بايدينا ونقلبه ع الوجه التانى ونضغط لحد مانخلص كل الكميه فى الخطوه دى ممكن بقى ترصيه فى صنيه او علب تلاجه وتغطيه بكلينج فيلم او اكياس وتحفظيه فى الفريزر لأى وقت
  7. نحضر زيت غزير درجة الحرارة متوسطه على نار متوسطه لهاديه ونقليه ونطلعه ع مناديل مطبخ او ورق ابيض يتصفى وبالهنا والشفا😋😍
عجبتك الوصفة؟
شوف كل وصفاتنا في مكان واحد
كل الوصفات →