→ كل الوصفات

البانيه الطري والمقرمش في نفس الوقت 😉

طريقة عمل البانيه الطري والمقرمش في نفس الوقت 😉 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو بانيه
  • التتبيله
  • فنجان لبن
  • معلقتين خل
  • بصله كبيره مبشوره او معلقه ك بصل مجفف
  • ملح
  • فلفل اسود
  • بهارات
  • كزبره
  • رشه جوزة الطيب
  • الغلاف الخارجي
  • بقسماط
  • معلقتين كبار دقيق ذره
  • 2 معلقه كبيره خلطة الفراخ المقرمشه من ماي واي
  • دقيق
  • بيضه
  • شويه لبن
  • كيس ماجي بودر
  1. بنجيب البانيه ونغسله كويس وننقعه في محلول النقع (بملح وليمون ومعلقه طحينه بتشيل ريحة الظفرا) وننقعه نص ساعه وبعدين نشطفه بالمياه من محلول النقع ونعصر كل قطعه بانيه كويس من الماء او ننشفها بمناديل مطبخ (علشان تشرب من التتبيله كويس) - وبعدين نخلط كل مقادير التتبيله كويس (وانا بفضل نستخدم البصل المجفف بيخلي طبقه الغلاف الخارجي متماسكه اكتر) ونسيبها في كام ساعه كده او تسيبها في التتبيله من قبلها بيوم
  2. تاني يوم هنحضر الغلاف الخارجي هنجيب البيضه ونفكها بالشوكه الاول ونحط عليها شويه لبن وملح وفلفل اسود ونضربهم بالشوكه - والبقسماط نحط عليه من خلطه الدجاج المقرمش من ماي واي وكيس ماجي بودر ودقيق الذره ونقلبهم ونسيب الدقيق لوحده
  3. ونحط البانيه في الدقيق ثم البيض ثم البقسماط ونضغط عليه نفرد البانيه بايدنا وبعد ما نخلص الكميه نفرد البانيه علي صينيه وبين كل طبقه كيس بلاستيك فردينه و ندخلها التلاجه لحين وقت القلي
  4. وقت القلي بنجيب البانبه وتكون النار وسط (علشان تخلي البانيه مقرمش وطري ومينشفش منك بتخلي النار اعلي من الوسط وبعد اما تحطي البانيه نوطي النار اقل من الوسط) اوعي تخلي النار عاليه هينشف منك وبالف هنا 👌
عجبتك الوصفة؟
شوف كل وصفاتنا في مكان واحد
كل الوصفات →