→ كل الوصفات
طريقة عمل البايلا الاسباني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كمية سوسيس
- كمية جمبري
- بسلة
- طماطم
- ملعقة كبيرة صلصة
- بصل ابيض
- فصين توم
- رز بسمتي
- مكعب مرقة
- ملح وفلفل اسود حسب الرغبة
- ملعقه صغيره جوزة الطيب
- ملعقة صغيرة بابريكا
- ملعقه صغيره كركم
طريقة التحضير
- هنجيب الصينية اللي هنسوي فيها وهنحط فيها شوية زيت وهنقطع السوسيس شرايح ونشوحه ف الزيت وبعدين نرفعه ف طبق ع جنب
- هنحط شوية زيت كمان وهنضيف الجمبري ياخد تشويحة خفيفة ونتبله بملح وفلفل واول ما يلون هنرفعه ف طبق بالمياه اللي نزلها
- هنحط شوية زيت وهنضيف البصلة متقطعة مكعبات صغيرة وعليها معلقة سكر اول ما تبدأ تتكرمل هنضيف التوم واول ما نشم ريحته هنضيف الصلصة ونديها تقليبة بعدين نضيف مكعبات الطماطم ومكعب المرقة والبابريكا والكركم وجوز الطيب
- هنضيف عليهم الرز ياخد تشويحة كويسة وبعدين نضيف المياه المغلية ونزودها سنة عشان مش هنغطي الباييا ف نعمل حساب المياه اللي هتتبخر
- هنضيف البسلة ع وش الرز من غير تقليب وميه الجمبري وهنرص السوسيس والجمبري بالطريقة اللي عايزين الطبق يتقدم بيها وهنوطي لحد ما الرز يستوي خالص وتتقدم بالهنا والشفا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد