→ كل الوصفات
#سفاري_الشرق
المقادير
- 2 كيلات سميد
- 1 كيلة سمن
- رشة ملح
- ماء وماء الزهر
- معجون التمر أو الغرس
- كمية من القرفة والقرنفل
طريقة التحضير
- في قصعة أواليان نحط السميد مع السمن الذائب ونبدأ نبسس فالسميد حتى يتشرب من كامل هذاك ليدام منبعد تغطيه وتخليه مدة يوم او يومين
- نحضر الغرس ننزع منه النواة ونعجنوه مليح مع السمن والقليل من الملح والقرفة والقرنفل مطحونين وماء الزهر ونعجنوه حتى نتحصل على عجين طري
- في اليوم الثاني نحضر السميد لمبسس في السمن يكون تشرب مليح نخلط الماء مع ماء الزهر ونضيف الملح ونبدأ نرش فالسميد ونفتلها فقط منعجنوش نستعملو غير اطراف الاصابع فقط حتى يأخذ الكمية المناسبة ونتحصلو على كرية من العجين نبسطها
- ونزيد فوقها الغرس المتبل ومن فوق نهز كمية من العجين ونبدأ نغطي فالغرس بشوية بشوية حتى نغطيه كامل ونبدأ نحل فالخبزة نتاعي حتى نوصل لسمك إلى تحبيه وتبداي تقصي أو تشكلي لبراج تحبيه معينات كيما اي مثل في الصورة أو مربعات انت حرة وتجيبي اي شكل عندك ولا تخليه سامبل وتحطيه في صينية
- وتغطيه وتخليه حتى اليوم الثاني وطيبيه باش ما يغلبك فالطياب تجيبي مقلاة ولا طاجين نتاع لحديد أو الطاوة وطيبيه بلا ما تبقاي تقلبي وتعاودي باش مايفسدش الشكل نتاعو ونقصي نار باش ما يتحرقش ويطيبلك بلون ذهبي وخليه حتى يبرد ملييح باش تقدري تخبيه وبالصحة والهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد