→ كل الوصفات
جربتي وصفات كتير وماظبتش والطعم مش المطلوب !! جربي الوصفه دي بجد رهيبه تفرق عن الجاهز انها انضف بس وجربي ومش هتندمي
المقادير
- 1 كيلو لحم مفروم بنسبة دهون20% او ليا (إلية خروف)
- 2 كوب بروتين الصويا
- 4 اكواب مياه
- كيسين خلطة برجر سبايسي
- معلقة ملح
- معلقة فلفل
- معلقة بهارات السبعه
- معلقة بصل بودر
- معلقة ثوم باودر
- 0.25 معلقة جوزة الطيب
- رشة قرفه وزنجبيل
- 5 فصوص ثوم
- 1 حبة بصل متوسطه
طريقة التحضير
- دا بروتين الصويا هنحط على الكوبايتين 4 اكواب ماء ونسيبهم من 15 ل30 دقيقه
- هنجيب طبق نخلط فيه كل البهارات ونقسمهم نصين شويه على اللحم وشويه على بروتين الصويا وهو بيتشرب المايه
- هنجيب مفرمة اللحمه بالوش الناعم هنفرمها هتبقي زي العجينه كدا دا المطلوب ونفرم عليها الليا لو هي من غير دهون والبصله والتوم واخر حاجه بروتين الصويا لو مش متوفر مفرمة ممكن نروح للجزار او بمفرمة البصل بس هتضطري كل شويه تريحيها علشان ما تبوظش منك
- بعدين هنقلب كل الخلطه دي كويس جدا جدا في بعضها لحد ماتتجانس كدا
- هنجيب كيس نفرده على الرخامه بتاعت المطبخ ونفرد العجينه بالنشابه ورققيه وكبري حجمه عن الحجم المطلوب علشان ساعة القلي حجمه بيصغر وبيتخن معاكي ورصيه على كيس وبين كل طبقه وطبقه حطي كيس ولازم على الاقل تسبيه ليله كامله في الفريزر الطعم بيفرق جدا جدا جدا وجربي وشوفي الفرق كل لما تسبيه في الفريزر الطعم بيبقا احلى كتير
- ساعة القلي بالفرشاة السيليكون ادهني القلايه وحطي البرجر وادهني وش البرجر زيت وبس مش محتاج زيت غزير وبالهنا والعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد