→ كل الوصفات
#من_القلب
المقادير
- 1/2 كيلو لحمة مفرومة
- بصل بودرة
- وثوم بودرة
- مرقة ماجي الفورية
- معلقة صغيرة زنجبيل بودرة
- ملعقة كبيرة صويا صوص
- معلقة كبيرة ورشتر صوص لو متاح
- معلقة كبيرة كاتشب
- ملح وفلفل اسود حسب الرغبة
- كوباية دقيق
- بيضة
- ملح
- فلفل
- زعتر
- نص كباية ماء
- بصل مقطع حلقات
طريقة التحضير
- هحط البصل والثوم البودرة والزنجبيل والماجي والكاتشب والصويا صوص والرشستر على اللحمة واخلطهم كويس جداااااا وبعدين اجيب فورمة مدورة واحط فيها كيس واحط قطعة لحمة مفرومة واشكلها دايرة واضغط عليها كويس جداً بهراسة البطاطس او اي حاجة تقيلة واعمل كل الكمية بالشكل ده واسيبها في الفريزر ولما احتاج اطلع منه
- بجيب طاسه او جريل عليها ملعقة زيت تسخن واتبل البرجر بالملح والفلفل (مش بحطه من الاول علشان بيغير طعم اللحمة) واحطه على الجريل واسيب النار عالية تأخذ صدمة على الوشين وبعدين اهدي النار دقيقتين وبكده البرجر يكون جاهز
- حلقات البصل بجيب الدقيق عليه البيضه والملح والفلفل والمية وياريت تكون ساقعة واخلطهم كويس واحط فيهم حلقات البصل واكون مجهزة دقيق متبل بملح وفلفل وزعتر واطلع البصل م الخليط على الدقيق واقليه في زيت سخن وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد