→ كل الوصفات
هاد الطريقة علمهالي بابا قاع كي كنت عزبة و من هداك الوقت و هيا معتمدة عندي و عند عايلتنا تجي تهبل بنتها فور و حنا مسميينه(بوراك حبة كبيرة)😁ربي يخليلي بابا و يشافيه😍
المقادير
- علبة ديول
- كمية من كفتة الخروف (حسب عدد افراد الاسرة)
- 2 حبات بطاطا متوسطين مغليين و مهروسين
- 2 حبات طماطم متوسطة مقطعين قطع صغيرة
- كمية من معدنوس مقطع رقيق
- كمية من زيتون مقطع
- بيض حسب عدد الافراد
- جبن
- 2 حبات بصل مقطع رقيق
- 1 فلفل حار مقطع (اختياري)
- صلصة
- م ك خردل
- م ك كاتشاب
- م ص هريسة
- ملح
- حرور
- كمون
طريقة التحضير
- نحضر الكفتة:نضع الكفتة،الملح،الحرور،كمون،م ك زيت و نعجنها مليح ثم نعملها كويرات شوية كبيرة و نخليها بجيه و نضع كل مكون في صحن و نوجدهم
- ثم ناخد صحن نضع وحدة ديول كاملة و فوقها نصف وحدة ثم نبسط كمية من البطاطا بسمك رقيق ونزيد نبسط فوقها كورة تاع كفتة بسمك رقيق و نضع في الجوانب البصل و الطماطم و نزيد الفرماج بحيت نعمل حفرة في الوسط نحط فيها حبة بيض و نوزع عليهم الزيتون و الفلفل حار و شوية صلصة لهيا: نخلط الكاتشاب و الموتاغد و الهريسة مع بعض)
- ونرش المعدنوس و الملح و الحرور و الكمون ثم نغلقها كيما المسمنة نجيب الجوانب فوق بعضهم ثم نقليها في زيت غزير ساخن على نار ناقصة لكي طيب من داخل مليح ثم نزيدلها شوية باه تتحمر و تتقرمش
- و هكا نعمل كل الحبات بنفس الطريقة و شهية طيبة😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد