→ كل الوصفات

البسبوسة المظبوطة ❤️

طريقة عمل البسبوسة المظبوطة ❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو دقيق سميد, او كيس بسبوسه ماركيز
  • علبه زبادي
  • 0.5 كوب لبن
  • 0.5 كوب سمن
  • 0.5 كوب سكر
  • 2 معلقه صغيره بيكنج بودر
  • باكو فانيليا
  • معلقه سمن, لدهن الصينيه مقاس 28
  • مكونات السيرب
  • كوب سكر
  • كوب و نص ماء
  • 0.5 ليمونة
  1. نخلط المكونات الجافه الاول : دقيق سميد مع بيكنج باودر مع فانيليا مع سكر
  2. نضيف الزبادي و اللبن و السمن و نخلط كويس
  3. نسخن الفرن لمده 10 دقائق. نجيب صينيه مقاس 28 و ندهنها سمن و نضيف عليها العجين و نفرده كويس. و بعد ما الفرن يسخن, ندخله الفرن من فوق
  4. في حله, نحضر السيرب كوب و نص ماء مع كوب سكر على النار. و لما يبدأ يغلي, نعصر نص ليمونه. و المفروض السيرب يكون خفيف, يعني نسيبه حوالي 20 دقيقه على نار هاديه و بعدها نسيبه يبرد
  5. بعد ما تحمر البسبوسه من فوق, اختبرها اذا استوت بشوكه. و بعدين اطلعها و اقطعها مربعات. و اضيف السيرب عليها. اتمني تجربوها و تعجبكم
عجبتك الوصفة؟
شوف كل وصفاتنا في مكان واحد
كل الوصفات →