→ كل الوصفات

البسبوسة المكرملة مرملة وطرية تحفة 🙈❤️

#مطبخ_عكاكة #بسبوسة #حلويات_شرقيه

  • 2 كوب سميد
  • كوب حليب
  • كوب سكر
  • ½ كوب جوز هند
  • ½ كوب سمنه بلدي
  • م ك دقيق
  • م ص بيكنج بودر
  • ¼ م ص فانيليا= ظرف فانيليا
  • رشه ملح بسيطة
  • الشربات
  • كوب نص سكر
  • كوب و نص ميه
  • 2 م ك عسل جلوكوز
  • رشه فانيليا
  • ربع م ص لمون
  • م ص سمنه
  1. هنكرمل كوبايه السكر ع نار هاديه و اول ما السكر كله يسيح و يبقي متكرمل هننزل عليه بكوبايه حليب مع التقليب المستمر لحد ما السكر يسيح و اللبن يتجانس مع كرمله السكر كل دا ع نار هاديه و نطفي و نسيب الخليط يبرد
  2. ف بوله هنحط كل المكونات الجافة ونقلب وبعد كدا نبثها بالسمنه ما نقلبش فيها كتير و نبثها بطراطيف صوابعنا عشان لو بثناها كتير الجيلاتين اللي في السميد هيخرج وينشف البسبوسة ومش هتبقي حلوه خالص
  3. بعد ما نبثها هنضيف الخليط دا ع السكر المتكرمل باللبن و نقلب و ف صنيه مقاس 26 هتدخل الفرن ع درجة حراره 180 مش هتاخد اكتر من 20 دقيقة نتابعها عشان ما تتحرقش
  4. الشربات هنقلب السكر مع الميه و نحطهم ع النار اول ما تبدأ تغلي و السكر يكون داب هنضيف عسل الجلوكوز و الفانيليا ولو مفيش نستخدم الفانيليا او اللمون المهم مانكترش مش عايزينهم يبانوا كطعم و اول ما لونه يصفر هنطفي عليه مش خنطول لان عسل البسبوسة بيكون خفيف و بعد مانطفي نحط م السمنه و نسيبه يبرد عايزينه دافي
  5. تكون البسبوسه خرجت من الفرن نسقيها بالعسل ع طول و هي ساخنه و نسيبها لما تبرد خالص
  6. عايزين نزينها بمكسرات او قشطة دا اختياري هي طعمها تحفة
  7. دعمكم هيفرق ❤️ Emee Selim 🤗
عجبتك الوصفة؟
شوف كل وصفاتنا في مكان واحد
كل الوصفات →