→ كل الوصفات

البسبوسة بالقشطه بكل تكاتها 💯👌

#الشيف_الذهبي

  • ½ كيلو من دقيق البسبوسه
  • كوب حليب
  • بيضه
  • ¼ كوب زيت
  • ½ معلقة بيكنج بودر
  • معلقتين كبار عسل ابيض
  • 2 كوب سبيرب حلويات خفيف
  • لعمل القشطه كوب حليب
  • 3 معالق كبار نشا
  • معلقتين كبار قشطه
  • رشة فانيليا
  • 3 معالق كبار سكر
  1. ضيفي البيكنج بودر مع الدقيق وقلبيهم
  2. ضيفي الزيت وقلبي لحد ما البسبوسة تتشرب كل الزيت
  3. ضيفي العسل والبيض والحليب وقلبي مش كتير يادوب تلمي المكونات
  4. في صينيه مدهونه بالسمنه ضيفي فيها نص الخليط ووزعيه
  5. دخليها الفرن يكون ساخن مسبقا على درجة حرارة ٢٠٠ رف اوسط
  6. في اثناء البسبوسه في الفرن حضري القشطه
  7. ضيفي النشا والسكر ورشة الفانيليا في الحليب على البارد وقلبي لحد ما كل المكونات تذوب
  8. ارفعيهم على نار متوسطه مع التقليب المستمر لحد ما القوام يتقل وضيفي القشطه في الاخر وقلبي والخليط سخن علشان القشطة تذوب
  9. خرجي البسبوسه من الفرن تكون اتشمعت بس بدون ما تأخذ اي لون من تحت او الوجه يعني يكون لونها لسا فاتح
  10. ضيفي عليها القشطه اللي عملتيها وهي ساخنة ووزعيها فوق البسبوسه بالتساوي وسيبيها تهدا والقشطه تتماسك
  11. ضيفي نص باقي الخليط عجينه البسوسه ووزعيها بالراحة فوق القشطه ودخلي الصينيه في الفرن تاني
  12. سيبيها تستوي سوي كامل وتأخذ لون ذهبي من الوجه
  13. خرجيها واسقيها بالسيرب الخفيف البارد وسيبيها تبرد تماما
  14. بعد ما تبرد دخليها الثلاجه ليله كامله قبل التقطيع والتقديم
  15. زينيها باي مكسرات عندك وقدميها بالف هنا👌🌹
عجبتك الوصفة؟
شوف كل وصفاتنا في مكان واحد
كل الوصفات →