→ كل الوصفات

البسبوسة 😘🎉

#الشيف_الذهبي #وصفات_بالبني #النملية البسبوسة أكلة اصلها عثمانية إلا أن ام الدنيا مصر جعلت منها طبق مصرى اصيل و جزء من الحلوى المصرية باضافات ممتعة 🎇👌

  • 2 كيس بسبوسة
  • 4 علب زبادي
  • 4 م ك سمن بلدي
  • 1/4 م عسل جلوكوز
  • 1/2 م ك بيكينج بودر
  • شربات خفيف
  1. اولا نسخن الفرن على ٢٠٠ و نجهز الصينية و ندهنها سمنةاو طحينة بس انا بحب ادهنها سمنة احلى من عوامل نجاح البسبوسة هى حجم الصينية يعنى انا عاملة مقدار كبير لذا استخدمت صينية كبيرة جدا تعرفى المعيار المظبوط لما تفردى البسبوسة حطى صوباعك لو سمكها نص عقلة صباع تبقي مظبوطة
  2. نجهز عجان يكون نظيف و مش علية مياة نخلط الزبادى و انا بستخدم البلدى لانة بيبقى اطعم مع السمنة البلدى و دى أحلى حاجة لو عايزة بديل تبقي اى سمنة بس الزيت غلط و الزبدة. غلط طيب بنخلط الزبادى و السمنة البلدى و عسل الجلوكوز
  3. ننزل بسميد البسبوسة و البيكينج بودر و نقلب احنا بنبس مش بنعجن باطراف الصوابع كدة نشرب السميد بالزبادى و السمنة
  4. حاجة مهمة مقدار علبة زبادي واحدة مياة و اكمل خلط و بعد كدة اوزعها فى الصينية و اخبط الصينية على الرخام علشان تتساوى و ميبقاش فى حتة عالية و العكس
  5. نزين الصينية بأى مكسرات و ممكن متتزينش و هتطلع حلوة جدا
  6. نتركها حوالى ربع ساعة و بعدين تدخل الفرن الحامى اول عشر دقائق على نار عالية جدا و بعد كدة نوطى الفرن و نتركها ثلاثون دقيقة و نفتح الفرن من الحين للآخر و مجرد ما الاحرف تاخد لون نقفل و نشعل الشواية و بعدين نقفل و نطلعها
  7. و هى سخنة يبقي الشربات دااااافئ و ليس بارد لازم يكون الشربات دااااافئ نسقيها تعرفى انها ناجحة لو مجرد ما نحط الشربات البسبوسة تشربة و الجوانب تفصل من الصينية تبقي كدة البسبوسة ناااجحة و تقدم باردة مع الشاى أو النسكافية و بالهنا 😘😍
عجبتك الوصفة؟
شوف كل وصفاتنا في مكان واحد
كل الوصفات →