→ كل الوصفات

البسبوسه المرمله الدايبه

طريقة عمل البسبوسه المرمله الدايبه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • المكونات الجافه
  • 2 كوب دقيق سميد
  • ½ كوب سكر
  • ½ معلقه صغيره بيكنج بودر
  • 2 معلقه كبيره لبن بودرة محمص
  • فانيليا
  • 2 معلقه كبيره جوز هند (اختياري)
  • المكونات السائلة
  • ¼ كوب عسل
  • ½ كوب لبن
  • ¼ كوب سمن بلدي
  • رشة ملح
  • الشربات
  • 2 كوب سكر
  • 1 كوب ونص ماء
  • معلقه كبيره عسل نحل او عصير ليمون
  • 1 معلقه كبيره سمن
  1. نأخذ معلقتين اللبن البودره في طاسه على نار هاديه ونحمصهم لغاية لونهم مايبقي ذهبي
  2. نخلط المكونات الجافه كلها مع بعض كويس
  3. نخلط المكونات السائلة كلها مع بعض في حله على نار هاديه لغاية السمنه ما تذوب والخيلط يبقى دافي شويه
  4. نضيف الخليط السائل على المواد الجافه ونقلب اول ما كله يندمج كويس نوقف تقليب اهم حاجه ما نقلبش كتير
  5. في صينيه مدهونه نصب الخليط ونفرده كويس نخبط الصينيه خبطتين كده عشا السطح يبثي متساوي ولو في اي قفاعات هواء تطلع
  6. ندخلها الثلاجه بقي ساعة تهدي
  7. بعد ساعة نسخن الفرن على درجة حراره ٢٠٠ ونطلع الصينيه من الثلاجه وعلى الفرن على طول ونتابعها عشان مش هتاخد وقت اول ما الحرف بتاعها يحمر نولع عليها الشوايه تأخذ لون من فوق
  8. في وقت ماهي في الفرن نكون بنعمل الشربات نحط السكر والماء على النار لغاية ما السكر يذوب ويغلي نضيف عليه ملعقة سمن بلدي ونسيبها تغلي على نار هاديه جداً لغاية البسبوسه ما تطلع من الفرن
  9. اول ما نطلع البسبوسه من الفرن وهي ساخنه نسقيها بالشربات وهو سخن ونغطيها ونسيبها لغاية ما تبرد
  10. الف هنا احلى بسبوسه مرمله ودايبه 😍
عجبتك الوصفة؟
شوف كل وصفاتنا في مكان واحد
كل الوصفات →