→ كل الوصفات

البسبوسه

طريقة عمل البسبوسه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو دقيق سميد
  • ½ كوي سكر
  • كوب لبن
  • كوب الا ربع سمنه بلدي
  • 2 ملعقه كبيره ماء
  • فانليا
  • ½ ملعقه صغيره بيكنج بودر
  • كوب ونصف سكر
  • 2 كوب ماء
  • فانليا
  • عصره ليمون
  1. اول حاجه نحط الدقيق وعليه البيكنج بودر ونقلبهم كويس مع بعض وبعدين ناخد السكر ونحطه في طاسه علي النار وعليها معلقتين الميه وما تقلبيش خالص ونسيبه يتكرمل يعمل صوص كراميل ننزل عليه بنصف كوب من اللبن عشان لو حطيت اللبن كله علي ما الكراميل يفك علي النار هيسخن اللبن اوي وانا عايزه خليط دافي
  2. بعد ما اختلط الكراميل باللبن واتاكد انه ما فيهوش كتل خالص اشيله من علي النار واحط بقيت كوبايه اللبن ونقلبهم كويس وانزل بالفانليا
  3. ابس السمنه بالدقيق وبعدين انزل باللبن والسكر علي الدقيق لازم في الوقت ده اخلط المكونات بس ما اعجنش اول ما المكونات تختلط ببعض اوقف تقليب كتر التقليب في البسبوسه هيخليها تنشف ادهن صنيه بسور صغير بالسمنه واحط فيها خليط البسبوسه وعلي الفرن درجه حراره 180اول ما تلاقيها احمرت كده من الجناب شغلي عليها الشوايه وبعد ما تطلع من الفرن اسقيها بالشربات الساخن
  4. طريقه الشربات حطي السكر علي المايه وليمون الشربات بتاع البسبوسه بيكون خفيف كانك عامله مايه بسكر واحطه علي النار اول مايغلي اسيبه من5ال7دقايق واطفي عليه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →