→ كل الوصفات

البسطرمة👍

طريقة عمل البسطرمة👍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • عرق فليتو او قطعه لحم حمرا 2كيلو ونص
  • التتبيله :كوب حلبة مطحونة
  • كوب بابريكا
  • كوب توم مفروم ناعم
  • ½ كوب كزبره ناعمه
  • معلقه كبيره فلفل اسود
  • معلقه كبيره ملح
  • ميه حسب الاحتياج
  • للتخليل كوب وربع ملح
  • قطعتين قماش
  1. البدايه هنعمل فتحات فاللحمة بالسكينه فكل حته فيها كويس ونعمل فتحه من فوق عشان يعدي منها الاستيك او قماشه عشان نعلقها منها فالاخر
  2. هنضيف عليها بعد عمل الفتحات الكوب وربع ملح عشان تتلف بالملح حلو اوي وندخل الملح فكل جزء فاللحمة
  3. هنلفها في قطعه قماش ونقفلها عليها كويس اوي هنحطها في صينيه وعليها اي حاجة تقيله ونخليها على كدا يوم كامل ٢٤ ساعه
  4. تاني يوم هنلاقيها منزله الميه الي فيها كلها هنشيلها ونغسلها من الملح كويس اوي
  5. هنملي طبق كبير ميه وننزل باللحمة في نسيبها ساعه عشان نقلل الملح شويتين منها
  6. هنحضر التتبيله فالوقت ده في بوله غويطه هنضيف مكونات التتبيله ونعجنها بالميه كويس اوي لما تتكون عجينه مش قاسيه وطريه نخليها على جمب لاستكمال الخطوات
  7. هنشيل البسطرمة من الميه قماشه نضيفه وننشفها كويس اوي من الميه ونكون محضرين استيك ندخله في الفتحة الي من فوق ونربطه عليها كويس ونسيب منه طرفين عشان نعلقها منه
  8. هنغلفها بالتتبيله كويس من كل الجوانب بفردها عليها من برا ونتأكد انها متغلفه ومفيش اي فتحات واللحمة مش باينه خالص
  9. نعلقها في مكان متهوي خالص ولكن بعيد عن الشمس من ٥ ايام ل ٧ بعدها تتقطع شرايح وتحفظ فالفريزر للاستخدام وبالهنا 👍✋
عجبتك الوصفة؟
شوف كل وصفاتنا في مكان واحد
كل الوصفات →