→ كل الوصفات
طريقة عمل البصارة المصرية المشهورة 🥜🥜🥜 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/4 كيلو فول مدشوش
- 2 حزمة بقدونس
- 2 حزمة كسبرة خضراء
- 2 حزمة شبت
- 2 حبة بصلة متوسطة الحجم
- 5 فصوص ثوم صحيح او مهروس
- 2 مكعب مرقة الخضار
- معلقة كبيرة لحمة مفرومة معصجة
- البهارات//
- معلقة ملح وسط
- معلقة صغيرة كمون
- معلقة صغيرة شطة بودرة
- 1/2 معلقة كبابة صينى او بهارات لحمة
- 1/4 معلقة صغيرة فلفل اسود
- الدقة
- راس ثوم كبيرة مهروسة وسط
- معلقة كبيرة سمنة بلدى
- معلقة كبيرة زيت بناتى
- معلقة كبيرة كسبرة جافة
طريقة التحضير
- نغسل الفول المدشوش
- نغسل الخضار بالماء والخل ونقطعة اي شكل كبير او صغير
- نحضر حلة ونضع فيها الفول المدشوش والبصل المقطع والثوم ومكعب مرقة الخضار والخضرة المغسولة ونضع فوقهم ماء بارد مش سخن ونضعهم على النار حتى الغلايان ونتابع سوى الفول
- لما يدخل الفول فى السوى نضع معلقة اللحمة المفرومة ان وجدتت هى مش اساسى فى البصارة بسى هى بتغير الطعم ١٠٠ درجة بتعطى البصارة طعم خرافة ونقوم بوضع كل تشكيلة البهارات والملح
- بعد سوى الفول نحضر الميكسر او الخلاط العادى ونفرم كل المكونات كويس قوى لو الخليط فى ماية او خفيف ضعية على النار يغلى شوية لكن لو الخليط سميك نغرف الاطباق على طول ونتركها تبرد شوية عشان تجمد شوية
- تحضير الدقة فى المحافظات الاخرى فى مصر بيعملوا الدقة بالبصل المحمر لكن احنا فى بورسعيد بنعملوا بالثوم المحمر المقرمش عشان كدة لازم الثوم يكون مدقوق بالهون مش مهروس بالاخلاط مثل الصورة الثوم شكلة جرش وحباتة شكلها واضح والثوم بيعطى البصارة طعم احلى كتير من البصل
- نحضر السمنه والزيت ونقوم بوضع الثوم لغاية لما يتحمر مش يتحرق ونضع فوقة معلقة الكسبرة ونصفية بمصفة صغيرة عشان ميكنش لزيت اثر فوق البصارة عايزين الثوم يكون ناشف من الزيت ونضعة فو ق الاطباق بالشكل داء عشان الطبق كلة ياخد طعم الثوم المحمر المقرمش ويالهنا والشفاء ومن مميزات البصارة بنحتفظ فيها فى الثلاجة مدة طويلة
- وهى تنفع على الفطار وعلى الغداء وعلى العشاء اكلة خفيفة وسهلة جدا
- توضع فى اطباق صغيرة اوكبيرة او علب حسب الرغبة
- الاكل الشعبى الاصيل
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد