→ كل الوصفات
وصفتنا من مطبخ المصري وهي وصفة معروفه من ايام اجدادنا المصريين بأنهم بيجمعوا عدد من نباتات وبيطبخوها و كانت مناسبه لطبقة محدودي الدخل كمان واي حد ممكن ياكلوها حتى الناس النباتيه وهي من اكلات صحيه بس طبعا لانها بتقلل الكولسترول ف الدم وبتزيد من مناعة الجسم ولو حد بيعمل دايت من اكلات اللي بتساعد ع تخسيس ونقص الوزن ومفيده لمرضى السكر بإذن الله هتعجبكم جدا ❤️
المقادير
- 1/4 ك فول مدشوش
- 2 بصلة متوسطة مقطعة 3/4
- كبشة فصوص توم
- حزمة بقدونس
- حزمة شبت
- حزمة كزبرة خضراء
- ملح حسب الرغبه
- 1/2 م ص فلفل اسود
- م ص كمون
- م ص كزبرة ناشفة
- م ك نعناع مجفف (بس انتي حره ممكن تقللي عادي)
- م ص شطة (اختياري)
- شرايح بصل مقطع رفيع
- زيت غزير كافي للقلي
طريقة التحضير
- هنغسل الفول المدشوش كويس ونصفيه
- وفي حلة هنحط الفول وتوم وبصل والخضره هنقسمها نصين كده وهنحطها معاهم ونغطيهم بالماء ونحط الحلة ع نار
- أول لما تغلي هنوطي عليها ونسيبها لحد ماتستوي
- هنجيب طاسه او حله صغيره هنحط فيها زيت كتير و نقلي فيها بصل لحد ماتاخد لون دهبي وهتلاقيها مقرمشه ونطلعها ونصفيها ع جنب
- بعد كده هناخد خليط اللي ف حله بتاع فول والخضره بعد ماهدي واستوى هنضربهم ف الخلاط كويس وبعدين هنرجعها للحلة تاني
- هناخد شويه من زيت اللي حمرنا فيه بصل نحطه عليه و نحط توابل كلها ونعناع وكله ونقلبهم كويس و نسيبها ع نار لحد ماتغلي ونقفل عليها ونحطها ف طبق تقديم و نحط بصل المحمر عليه وبألف هنا ♥️
- في حالة انه اتبقى في حلة لسه بصارة حطيها ف قوالب وشيليها ف فريزر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد