→ كل الوصفات

البصارة 😋💓

البصارة الجبارة 🤩 وصفة حلوة من اكلاتنا الشعبية جربيها أكيد هتعجبك 😍👌

  • 1/4 كيلو فول مدشوش
  • 4 فصوص من الثوم
  • 1 بصلة كبيرة
  • كمية من البقدونس
  • كمية من الكزبرة الخضراء
  • كمية من الشبت
  • 1 ملعقة صغيرة ملح
  • 1 ملعقة صغيرة كمون
  • 1 ملعقة صغيرة فلفل اسود
  • 1/2 ملعقة صغيرة بيكنج بودر
  • 1 ملعقة كبيرة ثوم مفروم
  • 1 ملعقة كبيرة كزبرة ناشفة
  • 3 ملاعق كبيرة سمسم
  • 1 بصلة كبيرة مقطعة قطع صغيرة
  • 2 ملعقة كبيرة سمنه
  1. أولا أغسلي الفول كويس جداً وانقعية في الماء لمدة ساعة وبعد كدة صفيه من الماء وحوطية في حلة مناسبة وحوطي عليه الثوم والبصلة والبيكنج بودر والبقدونس والكزبرة الخضراء والشبت وحوطي حوالي 3 كوب ماء وسيبيهم يغلو على نار هادية ولما الفول يستوي اقفلي النار عليه 😍
  2. ممكن تطحني الفول بالهاند بلندر أو تحوطي كل المكونات في الخلاط وتطحنيهم كويس جداً مع بعض وبعد كدة حوطي على البصارة الملح والفلفل والكمون وقلبيهم مع بعض وبعد كدة وزعي البصارة الجبارة في أطباق التقديم وزينيها بالتقلية🤩 ولما تبرد حبة قدميها بعد كدة مع عيش وسلطة بلدي وبطاطس محمره بجد رووووعه لازم تجربيها 😍
  3. وعشان تعملي التقلية هتجيبي مقلاية حوطي فيها السمنه وبعد كدة قطع البصل الصغيرة ولما البصل يتحمر حبة حوطي الثوم بعد كدة والكزبرة والسمسم وقلبيهم مع بعض حبة وبعد كدة ضيفي التقلية على البصارة😍
  4. 😋😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →