→ كل الوصفات

البصارة

طريقة عمل البصارة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو فول مدشوش
  • 2 كوب ماء لسلق الفول
  • 4 ملاعق كبيرة ملوخية ناشفة ناعمة
  • فلفل وكزبرة وكمون
  • ملح
  • 5 ملاعق زيت
  • فصين ثوم
  • بصلتين
  • بصل متحمر للتزيين
  1. نغسل الفول كويس نحطه عليه مياه ورشة ملح ونسيبه على النار يتسلق
  2. لما المياه تغلى نوطى النار عليه علشان المياه متنشفش من غير ما الفول يستوى وكل ما المياه تغلى بنشيل الريم الأبيض ال على الوش لما الفول يستوى خالص نفرغه في وعاء تانى ونسيبه يبرد علشان الخلاط ميجرالوش حاجة
  3. بعد كده بنخلطه في الخلاط بدون إضافة مياه لحد ما يبأى ناعم (نشغل الخلاط على فترات قصيرة مش بياخد وقت) بيكون ناعم زى الكريمة نفرغه في حلة على النار ولما يسخن بنوطى النار علشان ميلزقش في الحلة ونضيف عليه الزيت و البهارات (الفلفل والكسبرة الناشفة) ونقلب باستمرار نضيف الملوخية النشفة (أنا عارفه ان فيه ناس كتير بتعمل البصارة بالشبت والبقدونس بس بجد بالملوخية حاجة تانية طعمه جميل ومفيد كمان)
  4. نقلب دقيقتين ولو لقينا الخليط بأى تقيل أوى نضيف شوية مياه بس مش كتير (يعنى بالملعقة كده وتقلبى لحد ماتوصلى للقوام ال انتى عاوزاه) دلوقتى بأه تظبطى الملح ولو كانت محتاجة ملح تضيفى نصب البصارة في الأطباق ونضيف بالملعقة شوية زيت زيتون على وش كل طبق (بس مش كتير) نحمر البصل ونرشه على وش الطبق.. ولو عندك كزبرة خضره وبقدونس طازة تقطعيه ناعم وترشيه على الوش بيكون
عجبتك الوصفة؟
شوف كل وصفاتنا في مكان واحد
كل الوصفات →