→ كل الوصفات
البصاره بطريقة جدتي بس بشويه تكات جديده
المقادير
- 1/4 كيلو فول بصاره
- 2 بصلة
- راس ثوم
- 4 حزم بقدونس
- كزبره
- عودين نعناع اخضر مقطع
- 1/4 ملعقة صغيرة من الملح والسبع بهارات وكمون
- 2 كوب ونصف ماء لسلق الفول البصاره
- مواد دهنيه زيت او قطعتين دهن أو معلقتين سمن
- 1 فلفل كبير
طريقة التحضير
- ننقع البصاره في الماء لمدة 4ساعات نغسل البصاره ونضع كوبين ونصف ماء في حله وفيها البصاره وعلى النارنضع الملح وكمون والسبع بهارات وورقه لورا وفصين ثوم وبصله مقطعة وعودين النعناع والكزبرة الخضراء والبقدونس المغسول ومقطع ونتركهم لحد مايستوا
- ونتركه يبرد ونضع في الخلاط مثل العدس بعد كده نضعه تاني في الحله على نار هادئة وفي أثناء ذلك
- نحضر الثوم والفلفل المقطع وشويه خضره وملح وكمون وكوزبره ناشفة ونفرمهم
- ثم نأتي بامقليه ونضع فيهامعلقتين السمن او الزيت أو قطعة الدهن اوليه الخروف زي ما تحبي بس بصراحه ليه الخروف او الدهنه بتعمل طعم تحفه ونضع الخليط المفروم يتشوح ولما لونه يحمر نضعه على الحله ونقلب ونطفي على طول
- ولو عاوزه ملح نضيف
- ثم نحضر البصله التانيه ونعملها شرائح ونضع عليها شويه نشا ومن دقيق ونقلبهم ونتركهم دقيقه
- ثم نحمرهم في شويه زيت
- ثم نضعهم على الطبق من فوق لمانغرفه ولوحبيتي تضعي الطبق في الثلاجه ولما يخرج تأكلي منه لو انتي في الصيف لكن لوعاملتها في الشتا اغرفي من الحله وهي ساخنه وتضفي البصل المتحمر وكلائها ساخنه وبصل اخضر وحضري معاها طبق باذنجان مخلل كنت عامله من قبل تقدري تعرفي الطريقه موجوده في صفحتي وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد