→ كل الوصفات
طريقة عمل البوريك التركى باللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 لفة جلاش
- ½ لحمة مفرومه
- 2 حبة فلفل الوان
- بصلتين وسط
- معلقة فلفل اسود
- رشة بهارات
- رشة جوزة الطيب
- ملح حسب الرغبه
- بيضة
- معلقتين بيكنج بودر
- ½ كوب لبن
- شوية سمسم
- معلقة سمنه او زبده
طريقة التحضير
- هنعسج اللحمة ونضيف قبل السوا بتاعها الفلفل الالوان والتوابل الموجوده معانا والملح ونسيبها تكمل سوا
- هنفصل البياض عن الصفار وناخد البياض عشان نعمل خلطه لدهن بين طبقات الجلاش
- خلطة دهن بين الطبقات هتبقا ملعقة الزبده او السمنه وبياض البيض ونص كوب اللبن ومعلقتين البيكنج بودر ورشة فلفل اسمر ونقلبهم كويس بمضرب يدوي حتى التجانس
- هنبتدى نجيب كل ٣ ورقات جلاش وندهن بينهم الخليط ده بالفرشاه وبعدين نحط فوق ال٣ طبقات لحمة مفرومه من اللي عصجناها ونلف رول ونكرر لحد ما الجلاش يخلص
- هنحطها في صينية مستطيله تأخذ طول الرول بعد كده هنحط على صفار البيضه ملعقة خل ونقلبهم ودى عشان ريحة الزفاره وندهن وجه البوريك وبعدين نرش سمسم من فوق الصفار كاننا بنعمل قرص ولو اتبقا شوية خليط من الدهان اقلبى على البوريك عادي عشان يشربو
- هنسيبها في الثلاجه ساعة تتشرب من الخليط وتنفش شويه وبعدين نخرجها نرشها ببخاخة ماء مخصص للاكل رشتين مش كتير وندخلها الفرن هي مبتتاخرش لو فرنك عالى هتاخد ربع ساعة لتلت ساعة اول ما تحمر من تحط اطفى وولعى الشوايه تأخذ لون ذهبي وبالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد