→ كل الوصفات
طريقة عمل البيتزا بكل تكاتها 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو دقيق او اقل بشوية
- ½ كوب حليب دافئ
- ربع كوب ماء
- او
- 3معالق لبن بودرة
- كوب ماء دافئ
- ¼ كوب زيت
- نصف ملعقة سكر
- ½ كيس خميرة او ملعقة صغيرة مليانة
- رشة ملح
- للحشوة
- ½ كوب موزاريلا
- ½ كوب قطع رومي وشيدر او أى منهما
- 2 بيض مضروبتين بفلفل اسود وملح
- فنجان زيتون مقطع
- 1 فلفل اخضر او الوان (بفضل الالوان مع بيتزا الجبن فقط)
- 100 غ بواقي فراخ اولحمة كفته سجق بانيه بسطرمة او الجبن بس او اي شيئ اضافي
- صلصة البيتزا
- 2 طماطم كبيرة مغسولة ومتقطعة او نصف كيس صلصة
- 1 بصلة جوانح
- ملعقة خل
- ملعقة كبيرة زعتر اخضر
- ⅓ كوب ماء
- رشة سكر
- ملح
- فلفل
- كمون
طريقة التحضير
- اول حاجة بحضر العجينة بحط مقدار الدقيق في طبق غويط ورشة الملح واقلب
- احضر الخميرة افضي نصف الكيس في مقدار الماء والحليب ومعلقة السكر واقلب واسيبه شوية
- هنضيف الخليط السابق للدقيق وعلى طول نضيف الزيت ونقلب بالمعلقة وبعدين بايدينا مش أقل من ١٠ دقائق
- ممكن نضيف ملعقة زبادي اولا لو العجينة احتاجت سائل بنضيف حليب سائل شوية بس يكون دافي
- بعد ماتتماسك العجينة بنسيبها تختمر مش اقل من نصف ساعة في مكان دافي وتكون متغطية او في الثلاجة
- في الوقت دة هنحضر الصلصة بتاعت البيتزا ممكن نضرب كله في الخلاط ونحطه على النار بمعلقة زيت لحد ماتتقل ونطفي
- وممكن نحط قطع الطماطم سليمة في الزيت وعليهم التوابل ملح فلفل كمون والزعتر والخل وجوانح البصل وممكن الفلفل لو مش عايزينه سليم او نضيفه على الوجه حسب الرغبه
- بطفي النار عالصلصة اول ماتتسبك وتتقل ونفرد العجينة في صينية كبيرة او صنيتين ونخرمها بالشوكة عشان متعلاش ونفرد الصلصة ونرص باقي المكونات سواء الجبن او اللحمة المفرومة او الدجاج و الفلفل والزيتون والبيض المضروب على الوجه
- تدخل الفرن سخن مش اكثر من نصف ساعة على حرارة شبه متوسطة تقريبا ١٨٠ بعد ثلث ساعة هنبدأ نشوفها عشان تعرفي هتقفلي عليها امتى وبعد ماتستوى نطفي الفرن ونضيف الموزاريلا تسيح ونطلعها على طول وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد