→ كل الوصفات
طريقة عمل البيتزا واحلي طعم ليها سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق
- كوب إلا ربع زيت
- بيضه
- كيس لبن نيدو
- 2 كوب لبن حليب
- ½ م صغيره ملح
- كيس خميرة
- 2 م صغيره سكر
- ½ كوب ماء دافئ
- طماطم
- توم
- كسبره
- فلفل اسمر
- م خل كبيره وزعتر
- شرايح فلفل رومي زيتون
- جبنه رومي
- موزريلا شيدر
- سجق او فراخ شرايح شاورما او لحمه مفرومه
طريقة التحضير
- نجيب كيس الخميرة ندوبه في نص كوب ماء دافيه ومعلقتين السكر ونسيب الخميرة لمده ٥ دقائق لحد ما تفور لباقي الكوبايه
- ننخول الدقيق مع نص ملعقة الملح ونحط الزيت ونبس الدقيق مش نقلب لحد ما العجينة تتشرب الزيت كله ونحط البيضه ونبس الدقيق برضه وبعدين نضيف كيس لبن النيدو مع كوبين اللبن الحليب مع الخميرة ونقلب لحد ما العجينة تلزق في ايديك تطلعها من ايديكي وتغطها بكيس بلاستيك وتسبيها تختمر في فرن دافئ ولم تختمر متقلبهيش ابدا تبلي ايديكي زيت وتقطعي على قد الصينيه وتكوني داهنه الصينيه زيت وتفردي العجينة بسمك سم أو أقل عشان لسه بترفع في الفرن
- طريقه الصلصة نحمر ثوم مع م كزبرة صغيرة تتحمر ونضيف م الخل ونضيف الطماطم المعصورة المتصفيه تصفيها في مصفي بعد ما تضربها في الخلاط وملح وفلفل وزعتر وبهارات وتسبيها لحد ما تتقل خالص
- الفلفل نقطعه شرايح ونشوحه في م زيت يذبل عشان يتحط على وجه البيتزا
- السجق يتشوح في م زيت ويتقطع شرايح الفراخ تتقطع شرايح تتشوح مع ملعقة صلصله وزيت اللحمة تتعصج عادي حسب ما تحبي البيتزا بأي طعم اعمله
- هنفرد العجينة في الصج بارتفاع سم أو أقل كمان نفرد الصلصة على وجه العجينة ونضيف الطعم اللي نحبه سجق او لحمة او فراخ او ممكن ميكس جبنة بس وبعدين هنحط الزيتون والفلفل اللي شوحنه وبعدين الجبنة الموزاريلا مع الرومي او الشيدر زي ما تحبي تدخل الفرن في النص على الشبكه لمده من ١٥ ل ٢٠ دقيقه على ١٨٠ درجه الحراره
- وبالف هنا وشفا انا عملتها بسجق وفراخ ولحمه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد