→ كل الوصفات

البيتزا ولأول مرة مظبوطه في كل حاجه

#التحدي_الالماسي #حملة_التشجير

  • كوبين دقيق
  • معلقة خميرة فورية كبيرة
  • علبة زبادي ابيض
  • رشة ملح وسكر
  • ½ معلقة بيكنج بودرة
  • 3 معالق زيت كبيره
  • 150 جرام لحمة مفرومه
  • بصلة كبيرة مكعبات صغيرة
  • 3 حبات طماطم متوسطين
  • معلقه من البهارات السبعه من باب الشام
  • 150 جرام جبنة موتزاريلا
  • 100 جرام جبنة فيتا
  • 5 حبات زيتون
  • كيس صلصه
  1. اولا العجينه : نجيب الدقيق وننخله ونضيف عليه رشة سكر ورشة ملح والبيكنج بودرة والزبادي والزيت ونعجنهم كويس
  2. نختبر الخميرة : ملعقة الخميرة على ربع كوب ماء دافيه جداً ومعلقه سكر وندوبهم مع بعض ونخطي الكوب بقماشه نضيفه لمدة ثلاث أو أربع دقائق لو ارتفع سطحها معناها أن الخميره ناجحه
  3. نبدأ نرش الخميره واحده واحده ونعجن لحد مانحصل على عجينه متماسكه سهلة الفرد ونغطيها في مكان دافئ لمدة ساعة أو لحد ماتختمر علشان الجو شتا
  4. في وقت احتكار العجين نحضر الصلصة : نجيب الطماطم ونسلقها في ماء لمده خمس دقائق بعد مانعمل علامه اكس في واحده من الاسفل علشان يسهل علينا تقشيرها نرفعها من على النار ونقشرها ونضربها في الخلاط
  5. نرفعها على النار تاني مع ملعقة زيت ونسيبها لحد ماتتسبك اهم حاجه قوامها يكون متماسك
  6. الحشو: نجيب البصله ونشوحها في الزيت وننزل باللحمه لحد ماميتها تنشف ونضيف عليها كيس صلصة من هاينز وننزل بالبهارات عليها ملح والبهارات السبعه ونظبط الطعم
  7. نجيب العجينه بعد ماتختمر ومنعجنهاش مجرد مانلمها من الإناء ونفردها في صينيه مدهونه بالسمنه الجامده
  8. نفرد العجينه على سمك رفيع علشان لسه هترتفع في الفرن وكمان نعمل فيها تضغطات بصوابعنا علشان كلها تستوي
  9. نفرد الصلصة بعدها الجبنة الفينا بعدها الموتزاريلا ونتأكد اننا وزعناها على كل الاماكن
  10. نضيف اللحمة المتعصجه وفوقيها الزيتون يكون شرايح رفيعه
  11. ندخلها فرن سخن على حرارة من ١٨٠/٢٠٠ لمدة نص ساعة ونشوفها القعر لازم يكون لونه ذهبي أو غامق شويه وبعدها تحت الشوايه لحد ما تأخذ اللون او ممكن تكتفي بسوى الفرن بس وبألف هنا وشفا
  12. مستنيه رأيكم فيها بجد بهرتني بطعامتها بالرغم أن مفيهاش أنواع جبنة كتير زي اللي متعودين عليها جاهزة ولا فيها فلفل
عجبتك الوصفة؟
شوف كل وصفاتنا في مكان واحد
كل الوصفات →