→ كل الوصفات

البيتزا

عجينة البيتزا الهشة القطنية بمقادير مظبوطة

  • كيلو دقيق
  • معلقة ص خميرة فورية
  • معلقة ك سكر
  • معلقة ص ملح
  • 1/2 كوب زيت او زبدة مذابة او زيت زيتون
  • كوب زبادي
  • 2 معلقة مايونيز
  • ماء دافي للعجن
  • صلصة البيتزا
  • عصير طماطم
  • صلصة
  • ثوم مفروم
  • زعتر
  • رشة كمون
  • زيت
  • ملح وفلفل أسود حسب الرغبة
  1. نضيف كمية مية دافية كويسة وعليها معلقة الخميرة والسكر والملح ثم نضيف الزبادي والزيت والمايونيز وننزل بالدقيق وحدة واحدة ونعجن كويس عشان العجينة تدي نتيجة مظبوطة ضروري تتعجن كويس جدا لحد ماتلم معانا وتكون عجينة رطبة ونسيبها تخمر نص ساعة
  2. للصلصة ف زيت هننزل بالثوم ياخد لون ثم عصير الطماطم والصلصة والزعتر والتوابل والملح لحد ماتتسبك وننزلها من ع نار
  3. هنفرد العجينة كويس بمقاس لا رفيع ولا تخين ونحطها ف صنية مدهونة زيت بسيط ونخرمها بشوكة زي الصورة ونضيف عليها كمية مناسبة من الصلصة والباقي بتاعكو 😘 اي حاجة تحبوها ضيفوها وعلى الفرن تاخد لون من تحت وفوق
  4. ملحوظة انا سويت البيتزا نص سوا الاول وطلعتها ضفتلها الجبنة الموتزاريلا والرومي عشان متتحرقش
عجبتك الوصفة؟
شوف كل وصفاتنا في مكان واحد
كل الوصفات →