→ كل الوصفات

البيتزا 🤤😋❤️

وصفة سهلة وسريعة بعجينة ممتازة من غير اي افتكاسات بدون بيض بدون حليب طعمها تحفة ❤️😋

  • 2 كوب دقيق
  • رشه ملح
  • معلقة صغيرة سكر
  • معلقة صغيرة خميرة
  • معلقتين كبار زيت زيتون او عادي
  • من كوب لكوب الا ربع ماء دافية للعجن حسب نوع الدقيق
  • معلقتين معجون صلصة طماطم
  • معلقة كبيرة من البصل البودر
  • معلقة كبيرة الثوم البودر
  • معلقة كبيرة البابريكا
  • زعتر ناشف
  • ملح وفلفل حسب الرغبة
  • زيت زيتون او عادي
  • حبه ماء صغيرة
  • الحشو حسب الرغبة
  • للوجه
  • جبنة موتزاريلا او ميكس شيدر
  • رومي
  • موتزاريلا
  1. في بولة عميقة بنحط الدقيق ورشه الملح ونقلبه كويس وبعدين السكر والخميرة والزيت ونبتدي نضيف الماء تدريجيا
  2. لحد ما العجينة تكون بتلزق كده هنحط عالرخامة او مفرش العجن شوية دقيق ونعجنها كويس لحد ما تلم وتبقي طرية
  3. في بولة مدهونة شوية زيت بنحط العجينة ونقلبعا في الزيت كده ونغطيها ونسيبها في مكان دافي تختمر هتاخد ساعة مثلا وممكن تسبوها اكتر
  4. صوص البيتزا بنحط كل المكونات الصلصة والزعتر والثوم البودر والبابريكا والبصل الباودر وملح وفلفل حسب الرغبة وزيت الزيتون ونقلبهم على البارد او نرفعهم على النار
  5. الحشو حسب الرغبة ممكن شاورما فراخ لحمة ستربس هوت دوغ سوسيس سجق سي فود (ثمار البحر) جمبري خضار مشروم (فطر) بسطرمة ميكس جبن اي حاجة في اختيارات كتييير
  6. بعد ما العجينة تختمر بنلمها ونقسمها كورتين كل كورة هتعمل بيتزاية متوسطة وممكن تتفرد كبيتزاية كبيرة
  7. نفرد حبةدقيق ونفرد العجينة وننقلها الصينية ونخرمها بشوكة بعدين نضيف الصوص بعدين الحشو
  8. بعدين ندخلها الفرن على اعلي درجه حرارة اول ما تبتدي تأخذ لون نطفي الفرن ونحط الجبنة الموتزاريلا على الوجه ونرجعها تاني دقيقتين على الشواية الجبنة تسيح وتأخذ لون بس
  9. نطفي عليها ونقطعها وتتقدم ساخنة جمب كاتشب مايونيز اي صوص محبب وبألف هنا ❤️😍
عجبتك الوصفة؟
شوف كل وصفاتنا في مكان واحد
كل الوصفات →