→ كل الوصفات
طريقة عمل التفليتة البورسعيدي مع إم الخلول 🍅 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- مكونات ام الخلول///
- 1/2 كيلو خلول حلوة
- معلقتين ثوم مهروس
- كوب عصير طماطم
- كوب طحينة بيضاء
- معلقة كبيرة فلفل اسود
- معلقة كبيرة ملح
- معلقة صغيرة كمون
- مقادير الفول بالطماطم///
- طبق فول مدمس وحبة فلفل الوان
- 2 حبة طماطم جامدة
- 1/2 كوب عصير طماطم متسبك
- معلقة ثوم مهروس
- حبة بصلة صغيرة او بصل اخضر
- معلقة صغيرة ملح
- معلقة صغيرة فلفل أسود
- معلقة صغيرة كمون
- مقادير المسقعة ///
- 1/2 كيلو بذنجان مكبب
- 1/4 كيلو فلفل رومى اخضر
- حبة طماطم مقطعة مكعبات
- 1/2 كيلو طماطم متسبكة
- معلقة صغيرة فلفل أسود
- معلقة صغيرة كمون
- معلقة صغيرة سماق
- معلقة صغيرة ملح
- معلقة كبيرة دبس رومان
- معلقة كبيرة خل أبيض
- معلقتين كبيرة ثوم مفروم
- مقادير تتبيلة السجق///
- كيلو سجق
- حبة بصل مفروم
- قرن شطة اخضر
- معلقة صغيرة ملح
- معلقة صغيرة بهارات لحمه
- معلقة صغيرة فلفل اسود
- معلقة صغيرة زعتر
- 1/2 معلقة صغيرة كسبرة
- 1/2 معلقة صغيرة كمون
- 1/2 معلقة صغيرة بابريكا
- 1/2 معلقة صغيرة كارى
- 1/2 معلقة صغيرة شطة
- عصير ليمونة او معلقة خل
- حبة فلفل الوان
طريقة التحضير
- بسم الله الرحمن الرحيم// الاكل المصرى البورسعيدى الشعبى شامل طبق فول بالطماطم/ السجق البلدى بالتوابل / والمسقعة البسيطة/ ام الخلول بالطحينة / وام الخلول بالطماطم
- تحضير طبق الفول بالطماطم : نقطع الطماطم مكعيات صغيرة ونخرط ا لبصلة قطع صغيرة و نقطع حبة الفلفل الالوان مكعبات صغيرة و نحضر الحلة ونضع فيها معلقتين زيت زيتون ومعها الثوم والبصل يأخذ تشويحة حلوة ونضع فوقها الطماطم المكعبات ونتركها تذبل وبعدها عصير الطماطم المتسبك او معلقتين معجون طماطم ومعلقة خل كبيرة وكل البهارات ونضع الفول بعد امتزاج كل المكونات ونتركة عشر دقايق لغاية لما الفول سمكة يتقل
- ام الخلول// ام الخلول الحلوة يعنى مش مملحة اول لما نجبها نضعها فى ماء و معلقة ملح لمدة نصف ساعة عشان تفتح معايا بسرعة وبعد ذلك نشطفها بماء جارى وتضعها فى طبق به ماء بدون ملح اعبال لما نحضر المكونات وعشان تنزل اى رمل فيها من اثر مياة البحر
- الخلول بالطماطم ( نحضر حلة صغيرة ونضع فيها معلقتين زيت كبيرة ونتركها تسخن شوية ونضع فوقها معلقة كبيرة من الثوم المهروس وتتدبل شوية ونصفى الخلول من الماء ونأخذ نصفها ونضعها فوق الثوم ونفضل نقلب فيها كويس لغاية لما الخلول تتفتح معنا ونضيف فوقها كوب الطماطم ولازم يكون متسبك ومينفعش فى الاكلة دى معجون الصلصة مش هيكون حلو فى الطعم ونضع نصف كوب ماء والبهارات ملح وفلفل اسود وكمون وشطة ونتركها تغلى غلوة ونطفى عليها على طول طعم خيال حلوة قوىىىىىىى
- دى خطوات الطماطم
- الخلول بالطحينة نفس الطريق الاولى نضع الزيت مينفعش سمنة وفوقة الثوم ونضع النصف الاخر من الخلول مع التقليب المستمر لغاية لما الخلول كلها تتفتح معايا وبعد ذلك نحضر كوب الطحينة الجاهزة معمول بالماء والخل مخفف ونضعة فوق الخلول ونصف كوب ماء ونفس البهارات ونتركة يغلى غلوة والقوام يتقل شوية ماشاء الله على طعم الخلول بالطحينة حاجة رووعة بجد جربوها البورسعدية بيموتوا فيها
- دى خطوات الطحينة
- السجق// نضع كل المكونات مع بعض فى طاجن فى الفرن حتى السوى وتحمير وجه السجق او نخلط كل المكونان ونحضر صنية ونضع فيها معلقتين زيت زيتون ونسوية على البوتجاز من فوق حتى احمرار السجق
- المسقعة // نقطع البذنجان شرايح والقلفل الاخضر ونضع البذنجان فى مصفاة وفوقة معلقتتن ملح عشان ينزل مايتة ومايشربش زيت فى القلى لمدة ربع ساعة ناخد البذنجان ونقلية هو والفلفل
- البذجان يكون مش مبذر عشان طعم المسعقة يكون حلو وشرايح البذجان تكون وسط مش طخينة ونحمرها حلو متكنش بيضة
- نحضر حلة ونضع معلقة الزيت والثوم مكعبات الطماطم ونتركها تتدبل ونضع بعد ذلك الخل والبهارات كلها وفوقها الصلصة على طول ونتركها تغلى غلوة ثم فى الاخر نضع البذنجان والفلفل المقلى ونقلبة فى الصلصة عشان يمتزج كل المكونات لمدة عشر دقايق مع معلقة دبس الرومان بيعطيها مزازة حلوة قوى
- الفول بالطماطم
- الخلول بالطحينة
- الخلول بلطماطم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد